31 Korrik 2021

Ministri Ferid Agani priti krerët e UNICEF-it në Kosovë

Prishtinë, 9 mars - Ministri i Shëndetësisë i Republikës së Kosovës, dr. Ferid Agani, priti sot në një takim shefin e Zyrës së UNICEF-it në Kosovë, Johannes Wedenig, si dhe zëvendësin e tij, Luciano Calestini.

Përfaqësuesit e UNICEF-it e kanë uruar Ministrin Agani për emërimin e tij në postin e Ministrit të Shëndetësisë dhe e informuan atë për projektet të cilat UNICEF-i është duke i zbatuar në Kosovë, me theks të veçantë në përpilimin e

Strategjisë për zbatimin e Ligjit kundër Duhanit, pasurimin e miellit me qëllim të fuqizimit të shëndetit të fëmijëve dhe laboratorëve inovative, dhe projekteve për të rinjtë që kanë për qëllim mobilizimin e rinisë në procesin e shtetndërtimit të vendit.

Ministri Agani i falënderoi mysafirët për kontributin e madh që Zyra e UNICEF-it e ka dhënë për shëndetin e nënave, fëmijëve dhe të rinjve në Kosovë dhe premtoi mbështetje të vazhdueshme për këtë bashkëpunim.

Kalendari

Ngjarjet e datës 31 Korrik 2021

- Qendra për Informim dhe Përmirësim Social në bashkëpunim me Ambasadën Gjermane dhe Komunën e Prishtinës organizon për herë të parë Panairin e Vullnetarëve të Shëndetit Mendor. (Biblioteka Kombëtare “Pjetër Bogdani”, ora 10:00)

- Federat e Futbollit të Kosovës organizon workshop-in rreth sistemit VAR. (Kampi Edukativ Nacional në Hajvali, ora 17:00)