18 Qershor 2021

Ministri Bukoshi priti një delegacion mjekësor të KFOR-it

Prishtinë, 22 shtator - Ministri i Shëndetësisë i Republikës së Kosovës, Dr. Bujar Bukoshi, priti sot një delegacion të lartë të Sektorit shëndetësor në kuadër të trupave paqeruajtëse të KFOR-it në Kosovë, të përbërë nga zyrtarë të shërbimeve shëndetësore të shteteve të ndryshme që shërbejnë në kuadër të KFOR-it.

Ministri Bukoshi, i ka informuar anëtarët e këtij delegacioni, të kryesuar nga Majori Cordell, për situatën aktuale në shëndetësinë kosovare, strategjitë, objektivat , kapacitetet e sistemit shëndetësor, por edhe me sfidat.

Në këtë kuptim, Ministri Bukoshi ka thënë që financimi jo adekuat i shëndetësisë është një nga problemet kryesore, ndërkohë që sistemi ka nevojë edhe për shumë intervenime të tjera, me qëllim që qytetarëve të vendit t’u ofrohen shërbimet e nevojshme shëndetësore.

Në këta takim, përfaqësuesit e shërbimeve shëndetësore nga KFOR-i janë interesuar për planet e Ministrit në shëndetësi, duke e trajtuar gjendjen aktuale, mundësitë e bashkëpunimit me KFOR-in pas vitit 2012, mundësitë e mbështetjes së projekteve të përbashkëta midis shërbimeve shëndetësore si dhe mundësitë e mbështetjes së mëtejme të shëndetësisë nga divizionet përkatëse të NATO-s, përmes aktiviteteve të përbashkëta.

Ministri Bukoshi ka falënderuar për ndihmën që KFOR-i ka dhënë në Kosovë, në mënyrë të veçantë për ndihmën në sektorin shëndetësor dhe ka shprehur gatishmërinë që bashkëpunimi të thellohet.

 

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)