06 Dhjetor 2022

Ministri Bukoshi priti drejtuesit e HANDIKOS-it

Prishtinë, 20 korrik - Ministri i Shëndetësisë i Republikës së Kosovës, dr. Bujar Bukoshi dhe Ushtruesi i Detyrës së Sekretarit Permanen,t dr. Haxhi Kamberi, pritën sot përfaqësuesit e organizatës joqeveritare HANDIKOS, me të cilët kanë diskutuar për problemet të cilat e preokupojnë kategorinë e personave me aftësi të kufizuara në Kosovë.

Afrim Maliqi, drejtor i HANDIKOS-it, e ka njoftuar Ministrin Bukoshi me rrjetin e kësaj organizate, e cila funksionon në 26 komuna të Kosovës dhe siguron rreth 40 mijë trajtime fizikale dhe të natyrave të tjera për kategorinë e personave me aftësi të kufizuara, ndërkohë që nga Ministria e Shëndetësisë, është kërkuar përkrahje për zbatimin e përgjegjësive nga fusha e shëndetësisë që dalin nga Plani i veprimit i Qeverisë së Kosovës për personat me aftësi të kufizuara në Kosovë.

Në këtë rrafsh, Maliqi ka theksuar rëndësinë e ndihmës së MSh-së në krijimin e kushteve për hapjen e një Njësia Spinale në kuadër të QKUK-së, ku do të trajtoheshin personat me aftësi të kufizuara dhe me probleme të natyrës paraplegjike.

Ministri Bujar Bukoshi ka inkurajuar krerët e HANDIKOS-it për punën që e bëjnë, ndërsa ka theksuar se Ministria do të angazhohet që në kuadër të zbatimit të partneritetit publiko-privat të krijojë infrastrukturën që një Njësia Spinale të krijohet në Kosovë, me qëllim që personave me aftësi të kufizuara t’u ofrohen shërbimet që i meritojnë.

Ai ka thënë se institucionet dhe shoqëria kosovare duhet të tregojnë përgjegjësi dhe kulturë, në mënyrë që kjo kategori e qytetarëve të Kosovës, të mos mbetet e margjinalizuar. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)