06 Dhjetor 2022

Ministri Bukoshi mori detyrën në krye të Ministrisë së Shëndetësisë

Prishtinë, 6 prill - Ministri i ri i Shëndetësisë i Republikës së Kosovës Bujar Bukoshi ka filluar sot zyrtarisht punën në krye të këtij resori.

I shoqëruar nga zëvendëskryeministri Ramë Manaj, ministri Bukoshi ka zhvilluar fillimisht një takim me zëvendësministren Mybera Mustafa dhe U. D. të Sekretarit Permanent Haxhi Kamberi.

Zëvendëskryeministri Manaj tha se ndryshimet e bëra në Qeverinë e Kosovës janë një proces normal dhe u shpreh i bindur se ministri Bukoshi do ta vazhdojë punën e paraardhësit të tij Gashi.

Ministri Bujar Bukoshi ndërkaq ka vlerësuar punën e bërë deri tani në Ministrinë e Shëndetësisë, duke theksuar se do të jetë i përkushtuar për një punë transparente, rritje të efikasitetit dhe vazhdimësi të punëve të mira që janë kryer në Ministrinë e Shëndetësisë. Ai ka thënë se të gjithë duhet të jenë koshient se shëndetësia është një sektor që nuk i është dhënë prioriteti i duhur, ndërsa theksoi se do të angazhohet që shëndetësia të këtë një trajtim tjetër edhe në aspektin financiar, ku vlerësoi të jetë lënë pas dore.

“Jemi të vetëdijshëm se sfidat në shëndetësi janë të mëdha, prandaj do të punojnë që ta ngremë dinamikën e punës dhe t’i maksimalizojmë veprimet së bashku për përmirësimin e gjendje, sepse shëndetësia pa dyshim që meriton një trajtim tjetër sidomos në aspektin financiar”, tha ministri Bukoshi. Është koha e fundit, shtoi ai, që shëndetësia të trajtohet si prioritet.

Pasi është njoftuar nga zëvendësministrja dhe U. D. i Sekretarit Permanent për punët e bëtë në shëndetësi, ministri Bukoshi i është përgjigjur interesimit të mediave për punën dhe prioritet e tij, duke theksuar se askush nuk duhet të presë mrekulli brenda një kohe në shëndetësi, por të gjithë duhet të jenë të vëmendshëm dhe të përgjegjshëm për të kryer punët me përgjegjësi.

Ministri Bukoshi tha se si profesionist që është i lidhur me shëndetësinë që tri dekada e njeh mirë këtë sektor dhe do ta punojë me transparencë të plotë në arritjen e prioriteteve dhe dyert e ministrit do të jenë të hapura në çdo kohë për bashkëpunim dhe për ata që duan t’i kontribuojnë shëndetësisë kosovare.

 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)