23 Shtator 2021

Ministri Agani zhvilloi një vizitë në Turqi

Stamboll,13 maj - Ministri i Shëndetësisë i Republikës së Kosovës, Ferid Agani, është kthyer sot nga një vizitë pune në Republikën e Turqisë, gjatë të cilës ka vizituar disa institucione shëndetësore me renome të këtij shteti, në kuadër të intensifikimit të bashkëpunimit në shëndetësi midis institucioneve të dy shteteve.

Gjatë vizitës në Turqi, ministri Agani ka vizituar Grupin e njohur shëndetësor “Acibadem”, me drejtuesit e të cilit institucion është diskutuar për propozimin e këtij grupi për bashkëpunim në fushën e partneritetit publiko privat , sidomos për Onkologjinë, por edhe për shërbime të tjera.

Gjatë qëndrimit në Stamboll, Ministri është informuar për potencialet e këtij grupi shëndetësor, i cili është deklaruar qartë në favor të partneritetit publiko privat me institucionet publike shëndetësore të Kosovës.

Ministri Agani pret që pas marrjes së propozimit konkret prej këtij grupi, në bazë të Ligjit për partneritetin publiko - privat dhe koncesionet, të avancohet drejt hyrjes në këtë bashkëpunim, duke fuqizuar kapacitetet ekzistuese të sektorit publik shëndetësor në Kosovë edhe me ekspertizën e huaj profesionale.

“Krejt kjo me qëllim që qytetarët e Kosovës t’i kenë në vendin tonë ato shërbime që sot u mungojnë në sektorin publik dhe për to të mos shkohet jashtë vendit për trajtim mjekësor”, tha ministri Agani, pas kthimit nga Turqia.

Gjatë qëndrimit në Stamboll, ministri Agani ka vizituar edhe spitalin oftalmologjik “Goz Vakfi” si dhe ka takuar përgjegjës të institucioneve shëndetësore turke me të cilat ka pasur takime të shpeshta në dy muajt e fundit në drejtim të bashkëpunimit konkret.

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)