24 Shtator 2021

Ministri Agani shpreh mbështetjen për personat me aftësi të kufizuara

Prishtinë, 16 maj - Ministri i Shëndetësisë i Republikës së Kosovës, Ferid Agani, priti sot në një takim Kalle Konkolla, ish-deputet i Parlamentit Finlandez dhe ish kryetar i Organizatës Botërore të Aftësisë së Kufizuar (DPI), që tash udhëheq organizatën “Treshold” në vendin e tij.

Në këtë takim, Ministri Agani e ka njohur Konkolla, që shoqërohej nga drejtori i HANDIKOS-it në Kosovë, Afrim Maliqi, me procesin e reformave në shëndetësinë kosovare, sfidat e këtij sektori dhe angazhimet e bëra për të ndihmuar edhe personat me aftësi të kufizuara, për të cilët u tha se duhet bërë më tepër.

Në këtë takim i është shprehur falënderim Qeverisë së Finlandës për ndihmën e saj dhënë qendrave të rehabilitimit të bazuara në bashkësi dhe zyrave lokale përfshirë edhe veriun e Mitrovicës, aktivitete këto të drejtuara prej HANDIKOS-it.

Në këtë takim, Ministri Agani dhe Konkolla kanë biseduar për mundësinë e projekteve të ndryshme të përbashkëta nga të cilat do të përfitonin komuniteti i personave me aftësi të kufizuara, ndërkohë që donatorëve u është bërë thirrje që të vazhdojnë kontributin e tyre në mbështetje të mëtejme kësaj kategoria vulnerabile, bashkë me institucionet vendore.

 

Kalendari

Ngjarjet e datës 25 Shtator 2021

- Federata e Pingpongut organizon 3 xhirot e radhës në ligën e juniorëve dhe 1 xhiro në ligen e junioreve ku do te mbahet ndeshja ndërmjet ‘Ahmet Hoxha MK’ vs ‘Lidhja e Prizrenit’. (SHMU Tefik Çanga në Ferizaj, ora 10:00)

- Kryetari i Komunës dhe njëherësh kandidati për kryetar të Komunës nga Lëvizja Vetëvendosje! në Prizren, Mytaher Haskuka, do të vizitojë fshatin Nashec. (Oborri i shkollës së fshatit Nashec, ora 18:00)