18 Qershor 2021

Menaxhimi i integruar i sëmundjeve të fëmijëve

Prishtinë, 22 qershor - Organizuar nga Zyra e Organizatës Botërore të Shëndetësisë (OBSH) dhe mbështetur nga UNICEF-i dhe Ministria e Shëndetësisë e Republikës së Kosovës, sot në Prishtinë i ka filluar punimet mbledhja katër ditore për rishqyrtimin e  rezultateve në Menaxhimin e Integruar të Sëmundjeve të Fëmijëve (MISF).

Në këtë takim, përveç zyrtareve vendorë, po marrin pjesë edhe konsulentë ndërkombëtarë të OBSH-së për Evropë, përfaqësues të Ministrisë së Shëndetësisë nga Izraeli si dhe përfaqësues të nivele të ndryshme të kujdesit shëndetësor në Kosovë.

Menaxhimi i Integruar i Sëmundjeve të Fëmijëve (MISF) është një nga tre strategjitë e zgjedhura dhe zbatuara nga Organizata Botërore e Shëndetësisë (OBSh) për arritjen e Synimit të 4-të Zhvillimor të Mijëvjeçarit.

Dr. Sami Uka, nga Zyra e OBSh-së në Prishtinë, tha se OBSH për Evropë i qaset kujdesit të fëmijëve përmes Strategjisë së MISF-it, e cila synon të zvogëlojë vdekshmërinë dhe sëmundshmërinë prej sëmundjeve më të shpeshta të fëmijërisë dhe promovon rritjen dhe zhvillimin e shëndetshëm të fëmijëve të vegjël.  “MISF-i ka të bëjë me fëmijët në shtëpi, si dhe reformimin e sistemit shëndetësor në nivelin parësor të kujdesit shëndetësor: mjeku familjar dhe shërbimet tjera shëndetësore lokale”, tha ai.

Dr. Lulzim Çela, këshilltar i ministrit të Shëndetësisë, Bujar Bukoshi, tha se Kosova ende konsiderohet si një vend që ballafaqohet me problemet e tranzicionit, dhe kjo reflekton edhe në indikatorët vital të shëndetit.  Duke vlerësuar se Kosova ka shumë sfida dhe ende konsiderohet vend ma shkallë të lartë të vdekshmërisë perinatale, vdekshmëri të lartë të foshnjave e nënave..., ai tha se në kuadër të zbatimit të Strategjisë Sektoriale 2010-2014, zvogëlimi i sëmundshmërisë dhe vdekshmërisë së popullatës është një prej objektivave kryesore.  Deri sot, tha Çela, përkundër vështirësive janë arritur rezultate në mbrojtjen shëndetësore, është zvogëluar numri i sëmundjeve ngjitëse, është arritur nivel shumë i lartë i imunizimit, por mbetet ende që të punohet në arritjen e atyre që janë përcaktuara edhe si objektiva të Mijëvjeçarit.

Shefi i Zyrës së UNICEF-it në Kosovë, Johanes Wedening ka theksuar rëndësinë e mbrojtjes së integruar shëndetësore për fëmijët, ndërsa sipas organizatës që përfaqëson ai, çelësi i suksesit është koordinimi i aktiviteteve të gjitha faktorëve në mbrojtjen e shëndetit të fëmijëve, jo vetëm nga nëna, por edhe nga të tjerët.

Dr. Aigul Kutumuratova (OBSH/EURO), ka prezantuar objektivat e MISF si një mbrojtje e dizajnuar për të siguruar shëndetin e fëmijës, derisa dr. Merita Berisha –Koçinaj, shefe e Obseravatorit për Shëndetin e Nënës dhe Fëmijës-IKSHP , ka prezantuar fakte lidhur situatën në këtë fushë në Kosovë, ku ka shquar shpërndarjen e mirë demografike të institucioneve shëndetësore në vend si dhe rezultatet e arritura në uljen e prevalencës për HIV/AIDS, zvogëlimin e incidencës së sëmundjeve ngjitëse, imunizimim në shkallë të lartë, shpalljen e Kosovës si vend të lirë nga Polio nga ana e OBSH-së, etj.

E prezantuar në Rajonin Evropian të OBSh-së në vitin 1999, MISF-i është zbatuar në 15 shtete anëtare, përfshirë ato me vdekshmëri më të lartë dhe burime të kufizuara. Kjo strategji është prezantuar edhe në Kosovë dhe ka filluar të zbatohet që nga viti 2000. Përkundër rezultateve fillestare pozitive dhe premtuese, vizitat mbikëqyrëse të vitit 2008 gjetën një shkallë të ulët të zbatimit të MISF-it.

Konferenca do t’i vazhdojë punimet edhe ditët vijuese.

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)