07 Shkurt 2023

Lansohet pulsi publik për ndërveprimin banorë - komunë në kohë pandemie

Prishtinë, 23 nëntor - UNDP dhe USAID lansojnë Analizën e Pulsit Publik 'Ndërveprimi banorë-komunë në kohë krize: Një rast studimor për COVID-19'.

Për t'i kuptuar sfidat e komunave të Kosovës gjatë pandemisë COVID-19, Pulsi Publik ka kryer një studim me fokus në pesë komuna, i cili përfshin 500 intervista anketuese dhe nëntë diskutime në fokus grupe.

Gjetjet kryesore të studimit do të prezantohen në një ngjarje virtuale që do të zhvillohet sot.

Anketa u krye në komunat Fushë Kosovë, Podujevë, Prizren, Rahovec dhe Zveçan, ku hulumtoi ndërveprimin ndërmjet njerëzve dhe komunave për të eksploruar se sa të kënaqur ishin banorët me mbështetjen dhe komunikimin komunal, si dhe ofrimin e shërbimeve publike dhe disponueshmërinë e burimeve financiare në kontekstin e pandemisë COVID-19.

Ngjarja do të mbledhë së bashku Ministrin e Administrimit të Pushtetit Lokal, ekspertë të pushtetit lokal, organizata të shoqërisë civile dhe partnerë zhvillimorë për të diskutuar mbi gjetjet e raportit.

 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)