27 Janar 2023

Lansohen të gjeturat e nivelit te stresit tek duhanpirësit dhe joduhanpirësit

Prishtinë, 8 tetor - Stress Free Corner në bashkëpunim me Qendrën Kosovare për Avokim dhe Zhvillim (KADC) kanë realizuar një hulumtim në shkallë vendi, nëpërmjet platformës online për të matur “Nivelin e stresit tek duhanpirësit dhe joduhanpirësit”.

Përgjatë periudhës qershor - shtator janë mbledhur të dhënat, që do të lansohen sot e që përkon me Ditën Ndërkombëtare të Shëndetit Mendor.

Gjetjet e hulumtimit kanë vërtetuar nivel më të lartë të stresit tek duhanpirësit krahasuar me joduhanpirësit.

Për më tepër, rezultatet e hulumtimit tregojnë prezencën e simptomave psikosomatike më të lartë tek duhanpirësit.

Hulumtimi shërben si pikënisje e hulumtimeve me theks të veçantë mirëqenien psikologjike dhe efektet negative të stresit në shëndetin e përgjithshëm.

 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)