06 Dhjetor 2022

KFOR ndihmon QKUK me 254 batanije dhe 437 jastëk

Prishtinë, 31 mars - Qendra Klinike Universitare e Kosovës ( QKUK), ka pranuar  të mërkurën një donacion nga  komanda bashkëpunimit civil ushtarak (CIMIC) e KFOR-it, në  përbërje të KFOR-it suedez, finlandez dhe irlandez. Donacioni u dhurua në vazhdën e bashkëpunimit që ka QKUK me KFOR-in suedez.  Donacioni  përmban 254 batanije dhe 437 jastëk.  Delegacioni i KFOR-it, fillimisht vizitoi  drejtorinë ekzekutive.  

Capt. Josefine Andersson, asistente për komunikim në KFOR-in suedez tha se në vazhdimësi kanë pasur kontakte me zyrtarët e QKUK-së, ku është njoftuar me punën që bëhet në QKUK, me mungesat dhe problemet që po ballafaqohet QKUK. Ajo sqaroi se duke parë nevojat e mëdha që ka QKUK, ka pasur kontakte edhe me KFOR-in  finlandez dhe irlandez, të cilët kanë vendosur t’i dhurojnë QKUK-së, 254 batanije dhe 437 jastëk, të cilat mund të shpërndahen në klinikat dhe repartet e QKUK-së. 

Në  emër të QKUK-së,  foli Prof.dr. Muharrem  Bajrami, ndihmësdrejtor për arsim i QKUK-së, i cili fillimisht falënderoi ushtarët e KFOR-it për bashkëpunimin  e deritanishëm dhe për ndihmesat e dhëna. Sipas tij  KFOR ka kontribuar shumë për sigurinë e vendit për çka kosovarët u janë shumë mirënjohës. Ai falënderoi edhe për donacionin e dhënë duke e vlerësuar këtë ndihmesë të mirë për QKUK.

Prof. Bajrami u sqaroi  ushtarakëve të KFOR-it se donacioni do shpërndahet në klinikat dhe repartet e QKUK-së, atje ku ndihet nevojë më e madhe. QKUK-ja, ka formuar komisioni për pranimin dhe regjistrimin e këtij donacioni. Donacioni është pranuar dhe regjistruar dhe menjëherë  ka filluar shpërndarja e batanijeve dhe jastëkëve nëpër klinika. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)