27 Janar 2023

Instituti i Biokimisë, për dy muaj kryen 62.094 analiza biokimike

Prishtinë, 16 mars - Në Institutin e Biokimisë të Qendrës Klinike Universitare të Kosovës, në dymujorin e parë të këtij viti, janë kryer 62.094 analiza biokimike, hematologjike, ekzaminime të urinës dhe  përcaktimi i lëngjeve trupore.

Zëdhënësi i QKUK-së Shpend Fazliu ka bërë të ditur se në muajin janar, janë kryer  34.552 analiza, përderisa në muajin shkurt 27.542 analiza. Në vitin 2009 sipas tij ishin kryer 388.541 analiza. Analizat kryhen 24 orë pa ndërprerë, kurse puna është e organizuar në ndërrime.  
 
"Në kuadër të Institutit të Biokimisë,  punon edhe laboratori i  Qendrës Emergjente, ku  vitin e kaluar janë kryer 245.294 analiza biokimike, hematologjike dhe ekzaminime të urinës, po ashtu punojnë edhe disa laboratorë tjerë doracak në klinika të ndryshme.Në Institutin e Biokimisë, punojnë 5 specialistë të biokimisë, 1 profesor i biokimisë, 1 kimist dhe 20 punëtorë të stafit të mesëm, përderisa 25 specializantë janë duke vijuar specializimin. Në kuadër të laboratorit të Qendrës Emergjente, punojnë 25 punëtorë të stafit të mesëm, të cilët kryejnë analizat pa ndërprerje", ka thënë Fazliu.
 
Analizat në kuadër të Institutit të Biokimisë, sipas Fazliut kryhen vetëm për pacientët e shtrirë në QKUK, pasi që analizat që i takojnë shëndetësisë primare, kryhen në kuadër të qendrave të mjekësisë familjare në tërë Kosovën.

Pra sipas tij në Biokimi kryhen vetëm analizat e shëndetësisë terciare. Instituti i Biokimisë, vepron në kuadër të Qendrës Diagnostike, përderisa kryen analizat laboratorike për gjitha klinikat e QKUK-së.
Me respekt,
 
 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)