06 Dhjetor 2022

IKSHP dhe UNICEF-i konfirmojnë rezultatet pozitive

Prishtinë, 31 mars - Instituti Kombëtar i Shëndetësisë Publike (IKShP), me përkrahjen e UNICEF-it, ka prezantuar sot në Prishtinë rezultatet e studimit për gjendjen e ushqyeshmërisë së shtatzënave dhe fëmijëve të moshës shkollore në Kosovë.

Dr. Mybera Mustafa, zëvendësministre e Shëndetësisë në Republikën e Kosovës, tha se MSh është e inkurajuar nga fakti se rezultatet e këtij studimi të prezantuar flasin për progres në Kosovë në eliminimin e çrregullimeve nga pamjaftueshmëria e jodit dhe mikronutricientët e tjerë, duke shënuar kështu arritjen e një standardi të kërkuar në fushën e shëndetit publik.

“Eliminimi i sigurt i deficiencës së jodit dhe zvogëlimi i prevalencës së anemisë janë indikator që flasin se Kosova po bën hapa të mirë në mbrojtjen e shëndetit të popullatës së saj”, tha Mustafa.

Në shekullin në të cilin po jetojmë, theksoi ajo, “është  e papranueshme që të lejojmë që deficiencat të cilat mund të eliminohen të jenë shkaktarë të foshnjave të lindura me retardime mentale, të ketë aborte  dhe rritje të vdekjeve prenatale dhe sëmundje të tjera që lidhen me këto deficienca, e të cilat atakojnë edhe zhvillimin ekonomik dhe social të vendit tonë”.

Johannes Wedenig, shef i UNICEF-it në Kosovë, ka theksuar rëndësinë e mbrojtjes së popullatës kosovare nga deficiencat e jodit, anemia dhe çrregullimet e tjera të ushqyeshmërisë, duke theksuar se Kosova si një vend me popullatë të re, ka nevojë që asaj t’i sigurojë një jetë të shëndoshë.

Kurse, dr. Naser Ramadani, drejtor i IKSHP-së, tha se ky institucion po reformon të gjitha strukturat e saj me qëllim të arritjes së objektivave në fushën e shëndetit publik dhe në mbështetje të Ministrisë së Shëndetësisë për  zbatimin e Strategjisë Sektoriale shëndetësore.

Rezultatet e studimit për gjendjen e ushqyeshmërisë së shtatzënave dhe fëmijëve të moshës shkollore në Kosovë, janë prezantuar nga dr. Tahire Maloku-Gjergji, drejtoreshë e Departamentit të Ekologjisë Humane në IKSHP, derisa dr. Agron Gashi, shef për nutricion në UNICEF, ka bërë një prezantim lidhur me pasurimin e miellit me acid folik në Kosovë.

Raporti u vlerësuar si gjithëpërfshirës dhe në veçanti u shpreh admirim për faktin se rezultatet e hulumtimit flasin në favor eliminimit të sigurt të deficiencës së jodit në popullatën e Kosovës, një tregues ky që thotë se në familjet kosovare përdoret kripa e jonizuar, sikur edhe për ulje të prevalencës së anemisë te shtatzënat dhe fëmijët e moshës shkollore. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)