06 Gusht 2021

Hrebickova: Çekia përkrahë sektorin e shëndetësisë

Prishtinë, 8 prill - Ministri i Shëndetësisë i Republikës së Kosovës, Bujar Bukoshi, priti sot në takim Ambasadoren e Republikës së Çekisë në Kosovë, Janina Hrebickova, me të cilën kanë biseduar për aspekte të bashkëpunimit ndërshtetëror në shëndetësi.

Në takimin e ministrit Bukoshi me Ambasadoren Hrebickoba është konfirmuar vazhdimi i bashkëpunimit të mirë midis Kosovës e Çekisë në shëndetësi, i filluar më parë, me trend të avancimit të mëtejmë dhe në këtë kuadër është edhe vizita që një delegacion i MSh-së do t’i bëj Çekisë më 19 prill 2010.

Gjatë kësaj vizite që do të realizohet në Republikën e Çekisë, midis Kosovës e Çekisë, do të nënshkruhet Memorandumi i Mirëkuptimit, që parasheh fushat e bashkëpunimit të ndërsjellë.

Ministri Bukoshi ka vlerësuar lart kontributin e Ambasadores Hrebickova në Kosovë, në veçanti ndihmën e saj në afirmimin e bashkëpunimit midis dy vendeve në shëndetësi, një bashkëpunim ky për vazhdimin e të cilit janë zotuar bashkëbiseduesit.

Republika e Çekisë është nja nga kontribuesit e dalluar në shëndetësinë kosovare dhe gjatë vitit që shkoi dhe në këtë fillim vit, ky shtet e ka ndihmuar Kosovën me asistencë në ngritjen e kapaciteteve fizike dhe profesionale që kapin shumën prej rreth 2 milionë eurove si dhe në edukimin e vazhduar profesional të kuadrit shëndetësor kosovar.

Ambasadorja Hrebickova është ambasadorja e parë me të cilën Ministri Bukoshi takohet pas marrjes së detyrës së Ministrit të Shëndetësisë.

Kalendari

Ngjarjet e datës 6 Gusht 2021

 - Mbahet mbledhja e Komisionit për Shëndetësi dhe Mirëqenie Sociale në të cilën do të diskutohet procesi i monitorimit të Ligjeve. (Ndërtesa e Kuvendit, salla N10, ora 9:00)

- Nënshkuhet Memorandumi me Ambasadën e Norvegjisë “Mbështetje për Kuvendin e Republikës së Kosovës, kryetarin e Kuvendit dhe kabinetin e tij, komisionet dhe grupet parlamentare, nën kornizën ‘Fuqizimi i paqes dhe shtetndërtimit dhe avancimi i agjendës evropiane për Kosovën’. (Kabineti i kryetarit të Kuvendit, ora 10:40)  

- Kuvendi i Republikës së Kosovës vazhdon seancën plenare. (Kuvendi i Kosovës, ora 11:00)

- Mbahet konferencë për medie lidhur me koncertin e Ramë Lahajt. (Hotel “Opera” në Prishtinë, ora 14:30)