04 Shkurt 2023

FSSHK: Qeveria së ka mbajt premtimin për paga

Prishtinë, 4 mars – Këshilli Kombëtar i Federatës Sindikale të Shëndetësisë së Kosovës (FSSHK), i mbledhur sot, ka shqyrtuar gjendjen e krijuar pas dhënies së pagave të muajit shkurt. FSSHK ka konstatua se pagat e muajit shkurt nuk janë dhënë sipas deklaratës së Ministrit të Shëndetësisë, me rritje 30 për qind dhe shtesë prej 44 eurove, çka do të thotë as sipas premtimit të Kryeministrit Thaçi, në takimin e zhvilluar me përfaqësuesit e FSSHK-së më 11 shkurt 2010.

Prandaj, Këshilli Kombëtar i FSSHK-së i kërkon Ministrisë së Shëndetësisë dhe Qeverisë së vendit, që me pagat e muajit mars, të paguajë të gjitha borxhet e mbetura të kompensimit prej 44 euro për të gjithë punëtorët shëndetësorë, të të tri niveleve, sipas Marrëveshjes së 14 tetorit 2008.

Po ashtu Këshilli Kombëtar kërkon që të paguhen të gjitha kujdestaritë e papaguara deri më tani, gjithashtu me pagat e muajit mars. Nëse kjo nuk ndodh, Këshilli Kombëtar në fillim të muajit prill, do të vendosë fillimin e grevës së përgjithshme në nivel të Kosovës, duke bërë edhe kërkesa për përgjegjësi politike.

Po ashtu, Këshilli Kombëtar ka diskutuar kërkesën e Kryetarit të FSSHK-së, për auditim të jashtëm, pas disa akuzave publike për abuzim financiar në FSSHK. Por anëtarët e Këshillit Kombëtar nuk e kanë miratuar këtë kërkesë të Kryetarit dhe kështu nuk do të kryhet auditimi i jashtëm.

Këshilli Kombëtar i ka caktuar të gjitha seksioneve sindikale të Federatës si datë të fundit të kryerjes së zgjedhjeve datën 10 mars 2010. Pas kësaj date asnjë seksion sindikal që nuk i ka kryer zgjedhjet konform rregullores së Këshillit Kombëtar nuk do të mund të marrë pjesë në Kongresin e Federatës.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)