06 Dhjetor 2022

FSSHK e zhgënjyer me Ministrinë e Shëndetësisë

Prishtinë, 5 maj - Federata e Sindikatave të Shëndetësisë së Kosovës (FSSHK), si partnere e dialogut social në sektorin e shëndetësisë dhe si palë me cilësi të përfaqësueses të punëtorëve shëndetësor në  shëndetësinë e Kosovës, në marrëveshjen e lidhur në mes të FSSHK-së dhe Ministrinë së Shëndetësisë, shpreh zhgënjimin e thellë mbi mosrealizimin e lëndës së marrëveshjes në fjalë.

Ministria e Shëndetësisë duke realizuar marrëveshjen në mënyrë parciale për kujdesin sekondar dhe atë terciar, ka shkaktuar pakënaqësi të arsyeshme tek kujdesi primar. Prandaj zhgënjimi buron nga vetë anëtarët, përkatësisht punëtorët shëndetësor nga kujdesi primar për mos pagesën e shtesës prej 44 eurove si dhe borxhet për vitin e kaluar dhe muajt e mbetur të vitit 2010.

Duke cilësuar si pikën kryesore të marrëveshjes të datës 16.04.2010, e lidhur në mes të Kryetarit të FSSHK-së Dr. Blerim Syla dhe Ministrit të Shëndetësisë Dr. Bujar Bukoshi, FSSHK-ja e konsideron para se të gjithash premtimin publik të Ministrit të Shëndetësisë, premtim i cili krijon detyrim i cili nuk është realizuar.

Andaj, duke e shqyrtuar gjendjen momentale dhe të gjitha aspektet e zbatimit të kësaj marrëveshje, FSSHK-ja kërkon nga Ministri i Shëndetësisë Dr. Bujar Bukoshi, që në mënyrë publike të deklarohet mbi kryerjen e obligimeve të marra nga marrëveshja e 16.04.2010 dhe për vonesat e shkaktuara për kujdesin primar.

Konsiderojmë se Ministri i shëndetësisë bartë përgjegjësi morale dhe institucionale ndaj marrëveshjes së arritur si dhe ndaj punëtorëve shëndetësor në përgjithësi, kështu që ne shpresojmë që Ministri do ta realizoj marrëveshjen në tërësi duke i përmbushur të gjitha detyrimet ndaj të gjithë punëtorëve shëndetësor.

FSSHK-ja, me vigjilencë të plotë do të monitorojë gjendjen aktuale dhe do të fokusohet në zbatimin e marrëveshjes, dhe njëherit njoftojmë mbarë opinionin e gjerë se lidhur me problemet në shëndetësi dhe ekskluzivisht mbi implementimin e marrëveshjeve me MSh-në, kemi kërkuar dhe do të kërkojmë  takim informativ me Përfaqësuesin Special të ICO-së, z. Peter Feith, Ambasadorin Amerikan, z. Christopher Dell dhe Kryeministrinë e Qeverisë së Republikës së Kosovës z. Hashim Thaqi.

Përndryshe, në momentin e duhur dhe të arsyeshëm, FSSHK-ja do ti ndërmarr hapat sindikal për realizimin e marrëveshjes në tërësi.

 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)