06 Dhjetor 2022

FSHSK kërkon që pagesa prej 44 euro tu paguhet punëtorëve

Prishtinë, 2 prill - Këshilli Drejtues i Federatës së Sindikatave të Shëndetësisë së  Kosovës, i mbledhur dje, më 1 prill 2010, pasi ka analizuar mbledhjen e këtij organi të Federatës, të datës 3 mars 2010; gjendjes së krijuar nga mospagesa e 44 eurove në gati të gjitha institucionet shëndetësore të vendit, përveç QKUK-së, dhe duke marrë për bazë ndryshimet që kanë ndodhur në udhëheqësinë e Federatës dhe të Ministrisë së Shëndetësisë, ka vendosur që t’i japë afat dhjetë (10) ditë Ministrit të emëruar të Shëndetësisë, të zhvillojë takim me Kryetarin e Federatës së Sindikatave të Shëndetësisë së Kosovës. 

Po ashtu, në  afat prej shtatë (7) ditësh nga takimi i Kryetarit të Federatës me Ministrin e Shëndetësisë, i kërkohet këtij të fundit (Ministrit të Shëndetësisë) që të zhvillojë takim me Kryeministrin e vendit, ku të vendoset që pagesa e 44 eurove për vitin 2009 të bëhet nga të gjitha komunat që nuk e kanë shlyer këtë borxh.

Gjithashtu, Ministri i Shëndetësisë të kërkojë nga Kryeministri i vendit që pagesa e 44 eurove për të gjithë punëtorët shëndetësorë, nga 1 janari 2010, të bëhet përmes buxhetit të Kosovës dhe që kjo pagesë nga kjo datë, pra 1 janar 2010, të jetë vijë buxhetore e buxhetit të Republikës së Kosovës. 

Pas këtyre takimeve dhe vendimeve, Federata e Sindikatave të Shëndetësisë së Kosovës do të formojë grup negociator për takim urgjent me: Kryeministrin e Qeverisë së Kosovës, Ministrin e Shëndetësisë, Ministrin e Administratës Publike dhe Ministrin e Financave. Ky takim do të kishte si pikë të rendit të ditës: Parashikimin e rritjes së pagave të të gjithë punëtorëve shëndetësorë në fazën e rishikimit të buxhetit të vendit, në muajin qershor 2010.

Federata insiston që të marrë pjesë si palë aktive në komisionet për hartimin e: ligjit të punës, ligjit të pagave, ligjit për sigurimet shëndetësore, ligjit për organizimin sindikal dhe ligjit për grevat.

Këshilli Drejtues i FSSHK-së ka konstatuar se, në rast se kërkesat e mësipërme nuk përmbushen deri më 30 prill 2010, Federata do të ndërmarrë masa sindikale. Dhe pikërisht me 1 maj 2010, në Ditën Ndërkombëtare të Punës, Federata do të dalë në konferencë për medie ku do të kumtojë gjendjen e punëtorëve shëndetësorë në vend dhe qëndrimet e saj për veprimet e ardhshme.

Në ndërkohë, Federata ka marrë njoftim mbrëmë, më 1 prill 2010, se në Institutin e Mjekësisë së Punës në Gjakovë është shpallur konkurs për ushtruesin e detyrës së drejtorit të këtij Instituti, nga ushtruesi i detyrës së sekretarit të përhershëm të Ministrisë së Shëndetësisë. Me këtë rast Federata shprehë indinjatën që një zyrtar i lartë i Ministrisë së Shëndetësisë tenton të përdorë vakuumin ligjor dhe institucional të ndërrimit të Ministrit të Shëndetësisë, për të ndërmarrë një veprim të paarsyeshëm ligjor. Paarsyeshmëria e këtij vendimi argumentohet:

   1. Momenti i marrjes së këtij vendimi nuk shtyhet nga asnjë lloj emergjence pasi Ministri i ri i Shëndetësisë do të marrë detyrën brenda së paku një jave.
   2. Në Spitalin Rajonal të Gjakovës drejtori aktual është ushtrues detyre prej 2 vjetësh, ndërsa ushtruesi i detyrës së Institutit të Mjekësisë së Punës në Gjakovë është prej 2 muajsh, çka gjithashtu tregon se veprimi nuk ka qenë me bazë parimore por individuale.

Prandaj, Kryesia e Federatës së Sindikatave të Shëndetësisë së  Kosovës, me keqardhje vlerëson se ky është një tregues që argumenton dyshimet e ngritura më herët për keqmenaxhim në Ministrinë e Shëndetësisë. Po ashtu, Federata dëshiron që ky reagim të jetë edhe një këshillë miqësore për punën e Ministrit të ri të Shëndetësisë.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)