23 Shtator 2021

Fondi Global aprovon grante për Tuberkuloz dhe Sida për Kosovën

Prishtinë, 29 dhjetor - Granti për mbulimin e programit për HIV/AIDS  (faza e dytë e raundit të 7-të) do të jetë 2.930.116 euro, për periudhën 1 janar 2011- 30 shtator 2013, ndërsa granti për TB (faza e parë e raundit të 9-të), do të jetë 2. 420.929 euro dhe përfshin periudhën 1 janarit 2011- 31 dhjetor 2012.

Pas aplikimit në Fondin Global, në “Programin për luftë kundër AIDS-it, Tuberkulozit dhe Malaries”, Ministria e Shëndetësisë e Republikës së Kosovës, ka nënshkruar me këtë institucion Marrëveshjen e programit të granteve, duke siguruar fonde financiare nga Fondi Global për zbatimin e Programit parandalues dhe trajtimin e Tuberkulozit (TB) dhe Programit preventiv dhe luftën kundër HIV/AIDS-it.

Sipas Marrëveshjes së nënshkruar midis Fondit Global dhe Ministrisë së Shëndetësisë, granti i Fondit Global në periudhën kohore prej  1 janarit të vitit 2011 deri më 30 shtator 2013 për mbulimin e programin për HIV/AIDS (faza e dytë e raundit të 7-të), do të jetë 2.930.116 euro, ndërsa granti për TB (faza e parë e raundit të 9-të) do të jetë 2. 420.929 euro dhe përfshin periudhën prej 1 janarit 2011 deri më 31 dhjetor 2012.

Marrëveshja e nënshkruar definon afatet kohore dhe kushtet në të cilat Fondi Global do ta mbështes me fonde zbatimin e programeve preventive dhe luftimin e HIV/AIDS-it dhe TB-së në Kosovë dhe sigurimin e trajtimit sa më efikas të këtyre sëmundjeve, ashtu që të ndikojë në zvogëlimin e barrës së TB-së dhe HIV/AIDS-it në përputhje me Objektivat Zhvillimore të Mijëvjeçarit.

 

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)