31 Korrik 2021

Emërohet koordinatori i programit për Kontrollin e Kancerit

Prishtinë, 4 shkurt - Në mbështetje të rekomandimeve të Udhërrëfyesit të Organizatës Botërore të Shëndetësisë “Programet Nacionale të Kontrollit të Kancerit” dhe perceptimit të nevojave në rritje për një program nacional të kontrollit të kancerit, Zëvendësministri i Shëndetësisë i Republikës së Kosovës, Nemanja Vujoviq, nënshkroi sot vendimin për emërimin e Koordinatorit Shtetëror dhe Bordit për Zhvillimin e Programit Shtetëror për Kontrollin e Kancerit.

Koordinator shtetëror për kontrollin e kancerit është emëruar dr. Elvis Ahmeti, ndërsa Bordi për Zhvillimin e Programit Shtetëror për Kontrollin e Kancerit i ka 16 anëtar, përfshirë këtu ekspertë të fushave mjekësore, përfaqësues të institucioneve e organizatave shëndetësore dhe përfaqësues nga shoqëria civile.

Vendimi për emërimin e Koordinatorit Shtetëror dhe Bordit për Zhvillimin e Programit Shtetëror për Kontrollin e Kancerit, është marrë nga zëvendësministri i Shëndetësisë në bazë të dispozitave të nenit 97, pika 2 e Kushtetutës së dhe të dispozitave të nenit 1 paragrafi 1.3, pika ç e Rregullores nr. 2001/19.

Kalendari

Ngjarjet e datës 31 Korrik 2021

- Qendra për Informim dhe Përmirësim Social në bashkëpunim me Ambasadën Gjermane dhe Komunën e Prishtinës organizon për herë të parë Panairin e Vullnetarëve të Shëndetit Mendor. (Biblioteka Kombëtare “Pjetër Bogdani”, ora 10:00)

- Federat e Futbollit të Kosovës organizon workshop-in rreth sistemit VAR. (Kampi Edukativ Nacional në Hajvali, ora 17:00)