01 Gusht 2021

Ekspertë të shëndetësisë turke vizitojnë Kosovën

Prishtinë, 24 mars - Me ftesë të Ministrit të Shëndetësisë së Republikës së Kosovës,  Prof. Dr.Ferid Agani, një  grup i  ekspertëve nga Universiteti dhe Spitali Acibadem i Turqisë, sot dhe nesër do të qëndrojnë në Kosovë.

Delegacioni i ekspertëve shëndetësorë, me në krye  Prof.dr. Eniz Ozyar, Shef i Departamentit për Radiologji dhe Onkologji, do të zhvillojë aktivitete edhe në Qendrën Klinike Universitare të Kosovës.

Sot Prof. Ozyar, do të mbajë një ligjëratë në Qendrën e Telemjekësisë Kosovare, me temën “Përdorimi i teknikave të reja në Radiologji dhe Onkologji”, të pranishëm në ligjëratë do jenë punëtorë shëndetësorë të klinikave  të QKUK-së. 

Delegacioni i ekspertëve shëndetësorë nga Turqia, në ora 15:30, do të vizitojë ambientet ku është duke u punuar për funksionalizimin e shërbimit të Kardiokirurgjisë. 

Vizita do të vazhdojë në  Qendrën Emergjente të Qendrës Klinike Universitare të Kosovës,  me ç’rast do të njihen për së afërmi me punën që bëhet në kuadër të  Qendrës Emergjente.

Më pas, delegacioni do të ketë takim me Drejtorin e Qendrës Emergjente dr. Basri Lenjani, i cili do të njoftoi me punën, stafin dhe paisjet ekzistuese në kuadër Qendrës Emergjente.

Në takim do të bisedohet bashkëpunimi i dyanshëm, me theks të veçantë ndihma që mund të japin ekspert turk për Qendrën Emergjente dhe shëndetësinë kosovare në përgjithësi.  

Nesër ekspertët nga Turqia do të bëjnë vizitë në Qendrën Diagnostike, përkatësisht në Departamentin e Radiologjisë, përderisa më pas do të vizitojnë edhe Institutin e Onkologjisë.

Po gjatë ditës së nesërme delegacioni nga Turqia, pritet të ketë takim me Ministrin e Shëndetësisë së Republikës së Kosovës,Dr. Ferid Agani, ku do të bisedohet për bashkëpunimin e dy anshëm dhe për ndihmesat eventuale që mund të japë shteti  Turk dhe Spitali Acibadem. 

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)