21 Tetor 2021

Duhanpirësit në rrezik më të lartë për t’u shtruar në spital dhe për të vdekur nga COVID-19

New York, 29 shtator - Sipas një studimi të ri britanik personat që pijnë duhan kanë mundësi më të madhe për t'u sëmurë rëndë nga COVID-19 dhe gjithashtu më shumë gjasa të vdesin nga kjo sëmundje.

Shkencëtarët e grupit të kërkimeve gjenetike “UK Biobank” vëzhguan më shumë se 420,000 vullnetarë mes muajve janar e gusht 2020.

Ata i mbështetën kërkimet e tyre në të dhënat e regjistrave të kujdesit shëndetësor parësor, rezultatet e testeve për COVID-19, të dhënat për shtrime në spitale dhe çertifikatat e vdekjes, për të identifikuar lidhjen mes pirjes së duhanit dhe rasteve të prekjes rëndë nga sëmundja.

Sipas studimit, të botuar në revistën mjekësore “Thorax”, duhanpirësit kishin 80% më shumë gjasa të shtroheshin në spital dhe më shumë gjasa të vdisnin nga COVID-19.

Studiuesit përdorën një teknikë të quajtur “Rastësia Mendeliane” e cila përdor variantet gjenetike që përfaqësojnë një faktor të veçantë rreziku, që do ta bënte dikë më të prirur të pinte duhan.

Studimi thotë se një person i prirur gjenetikisht për pirjen e duhanit kishte një rrezik prej 45% për infeksion dhe 60% më të lartë për t’u shtruar në spital me COVID-19.

Kalendari

Ngjarjet e datës 22 Tetor 2021 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)