04 Shkurt 2023

Çekia derë e hapur për shëndesinë në e Kosovës

Prishtinë, 24 shkurt - Ambasadorja e Republikës së Çekisë në Kosovë,  znj. Janina Hrebickova, tha sot se ambasada e këtij shteti në Kosovë do të jetë një urë lidhëse midis Prishtinës e Pragës, jo vetëm në rrafshin diplomatik, por edhe të shëndetësisë.

Ajo deklaroi kështu në Qendrën e Telemjekësisë të Kosovës, në përmbyllje të vizitës dy ditore të një delegacioni të lartë të Ministrisë së Shëndetësisë së këtij shteti në Kosovë, pjesë e të cilit ishin ekspertë të fushës së menaxhimit shëndetësor dhe të fushave klinike.

Ambasadorja Hrebickova tha se Çekia do ta vazhdojë përkrahjen për Kosovën, ndërsa javëve në vijim, një delegacion i Ministrisë së Shëndetësisë do ta vizitojë Pragën me qëllim të intensifikimit të bashkëpunimit në shëndetësi dhe finalizimit të Memorandumit të Mirëkuptimit në shëndetësi midis Çekisë e Kosovës, që ishte një nga çështjet e diskutuara gjatë kësaj vizite të delegacionit çek në Kosovë, të kryesuar nga Ivo Hartmann, Sekretar i Përgjithshëm në Ministrinë e Shëndetësisë të Çekisë.

Zëvendësministrja e Shëndetësisë e Republikës së Kosovës Mybera Mustafa ka falënderuar shtetin çek për përkrahjen në shëndetësi dhe e ka cilësuar vizitën e tyre në Kosovë si shumë të suksesshme dhe të dobishme për Ministrinë e Shëndetësisë dhe profesionistët shëndetësor të Kosovës.

Në ditën e fundit të vizitës së tyre në Kosovë, ekspertët çek kanë ligjëruar dhe demonstruar praktikat e vendit të tyre në regjistrimin dhe distribuimin e barnave dhe në menaxhimin e institucioneve shëndetësore.

Ligjëratat kanë qenë interaktive ku ekspertët vendorë kanë bërë pyetje dhe kanë ofruar përvojat e tyre.
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)