27 Korrik 2021

Bie numri i rasteve me tuberkuloz në Kosovë

Prishtinë, 23 mars - Në Ditën Botërore të luftës kundër tuberkulozit, në Prishtinë u tha se në numri i rasteve të reja me këtë sëmundje ngjitëse në Kosovë po bie, ndërsa autoritetet kosovare, të përkrahura edhe nga Organizata Botërore e Shëndetësisë dhe Fondi Global, kanë ndërmarrë hapa të rëndësishëm drejt eliminimit të saj.

Shënimi i 24-marsit-Ditës Botërore në luftë kundër TBC,  u shënua me aktivitete dhe një tryezë në Prishtinë, për të vijuar me aktivitetet të tjera edhe në qendrat rajonale në Kosovë.

Dr.  Mybera Mustafa, zëvendësministre e Shëndetësisë e Republikës së Kosovës,  tha se Dita Botërore kundër TBC-së, është mundësi e mirë për ri -afirmimin e zotimit të MSh-së për ndërmarrjen e të gjitha masat që eliminimin e TBC-së gradualisht ta shndërrojmë në realitet duke zvogëluar rastet dhe duke ulur vdekshmërinë .

“Në kohën kur sipas shënimeve të pulmologëve tanë vetëm gjatë vitit të kaluar kemi pasur rreth 900 raste të TBC-së dhe kur një e treta e popullatës së botës është e infektuar nga kjo sëmundje, dhe ku sipas statistikave në çdo dhjetë sekonda në botë vdes një person nga TBC-ja, MSh e Republikës së Kosovës i inkurajon të gjithë profesionistët që të japin maksimumin nge vetja e tyre, duke i ndihmuar pacientët me mjekim, por edhe duke i vetëdijesuar dhe edukuar të tjerët se tuberkulozi  mund të parandalohet dhe të mjekohet dhe se mjekimi i kësaj sëmundje është falas në vendin tone”, tha Mustafa.

Zëvendësministrja theksoi se fakti që në dy -tre vjetet e fundit në Kosovë ka më pak së 1000 raste të TBC-së brenda një viti, flet se në luftën kundër TBC-së po bëhet punë e mirë , ndërkohë që sfida kryesore mbetet trajtimi i rasteve me tuberkuloz rezistent.

Ajo theksoi se MSh mbetet e përkushtuar të sigurojë në vazhdimësi terapinë për të sëmurët nga TBC që në Kosovë jepet falas, por edhe për sëmundje të tjera, të zhvillojë programe preventive dhe të ngre kapacitetet fizike dhe profesionale në dispozicion në nivel më të lartë duke ngritur edhe kapacitete të reja sikur që është Klinika e Sëmundjeve të Kraharorit, që po ngrihet në Pejë, një institucion ky që pa dyshim do të reflektojë pozitivisht në përpjekjet për eliminimin e TBC-së në Kosovë.  “Mos të harrojmë, ne kemi popullatën më të re në rajon dhe në Evropë, por përveç se e re, ajo na duhet edhe e shëndoshë!”, theksoi zëvendësministrja Mustafa.

Dr. Rukije Mehmeti, menaxhere kombëtare për TB theksoi se numri i rasteve të reja të regjistruara në Kosovë viteve të fundit flet për rënie të TB-së.

“Më 1999ne kishim 1775 raste të reja në vit, më 2009 kishim 901 raste dhe ky është një rezultat inkurajues, por që nuk na lejon komoditet, por kërkon edhe më shumë përpjekje që të arrihet eliminimi I TB në vendin tonë”, theksoi Mehmeti. Ajo tha se rezultatet e mjekimit sipas DOTS strategjisë (dhënia e barit për pacientin nën përkujdesjen e punëtorit mjekësor) po jep rezultate të mira, ndërsa imperativ mbetet të punohet edhe më tej sidomos në preventivë që TBC të eliminohet.

Dr. Xhevat Kurhasani nga OJQ “KeA”, ka folur për rastet rezistente në TBC, që sipas tij në Kosovë janë pesë të tilla, ndërkohë që ka theksuar nevojën që të gjithë akterët të shprehen me vullnet të plotë në përkrahjen e luftës kundër TBC-së.
 
Shënimi i Ditës Botërore kundër TBC-së, po mbahet me moton : “Bashkohu me ekipin tonë , ta mundim tuberkulozin”,” si organizim i përbashkët i Ministrisë së Shëndetësisë, Instituti Kombëtar i Shëndetësisë Publike dhe akterët e tjerë të kyçur në luftën kundër kësaj sëmundje.

Kalendari

Ngjarjet e datës 27 Korrik 2021

- Komisioni për Buxhet, Punë dhe Transfere shqyrton Raportin me amendamente për Projektligjin për ndryshimin dhe plotësimin e Ligjit mbi ndarjet buxhetore për Buxhetin e Republikës së Kosovës për vitin 2021. (Ndërtesa e Kuvendit, salla C203, ora 9:45)

- Policia e Republikës së Kosovës organizon ceremoninë e zbulimit të pllakës përkujtimore të zyrtarëve policorë, e cila iu dedikohet zyrtarëve policorë të rënë në kryerje të detyrës “Heronjve të Kosovës”. (Hapësira e jashtme para objektit të Drejtorisë së Përgjithshme të Policisë, ora 10:00)  

- Drejtori i Agjencisë së Kosovës për Inteligjencë, Petrit Ajeti raporton para Komisionit për Mbikëqyrjen e Agjencisë së Kosovës për Inteligjencë (Ndërtesa e Kuvendit, salla N302, ora 10:00)  

- Instituti për Politika Zhvillimore mban konferencën për medie lidhur me përmbylljen e projektit “Barometri i Rimëkëmbjes – për transparencë dhe llogaridhënie” dhe prezantimin e raportit përfundimtar të zbatimit të Ligjit për Rimëkëmbjen Ekonomike – Covid-19. (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Mbikëqyrjen e Financave Publike lidhur me raportin e auditimit të performances “Transparenca dhe llogaridhënia në procesin e financimit të organizatave jo-qeveritare”. (Ndërtesa e Kuvendit, salla N506, ora 10:00)

- Komisioni për Shëndetësi dhe Mirëqenie Sociale takoht me kryetarët e Odave të profesionistëve shëndetësor për të diiskutuar për punën dhe sfidat e Odave të profesionistëve shëndetësor. (Ndërtesa e Kuvendit, salla N303, ora 10:00)

- Kryeshefit Ekzekutiv të Agjencisë së Kosovës për Forenzikë, Blerim Olluri raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N204, ora 10:00)  

- Nën përkujdesin e drejtpëdrejt të Kryegjyshit Botëror Bektashian, Haxhi Dede Edmond Brahimaj, shënohet 231-të i themelimit të Teqesë Bektashiane të Gjakovës. (Teqa Bektashiane në Gjakovë, ora 11:00)

- Misioni i OSBE-së në Kosovë do ta prezantojë edicionin e pestë të Raportit vlerësues të të drejtave të komuniteteve. (Hotel Emerald, ora 11:00)

- Ministrja e Ministrisë së Industrisë, Ndërmarrësisë dhe Tregtisë, Rozeta Hajdari raporton para Komisioni për Ekonomi, Industri, Ndërmarrësi dhe Tregti lidhur me nivelin e zbatimit të ligjit për shoqëritë tregtare. (Ndërtesa e Kuvendit, salla N10, ora 11:00)  

- Organizohet hapja solemne e Dekra Akademie në Gjilan e cila ka hapur dyert e saj për infermierët e licencuar që duan të punojnë në Gjermani. (Tek Rruga e Gjinollëve, nr.83, Gjilan, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë  shqyrton Projektligjin në parim për Mbeturinat nga industritë nxjerrëse të mineraleve, Projektligjin për Mbrojtjen e ajrit nga ndotja, etj. (Ndërtesa e Kuvendit, salla N302, ora 13:00)

- Komisioni për Administratë Publike, Pushtet Lokal, Media dhe Zhvillim Rajonal mban mbledhjen e radhës. (Ndërtesa e Kuvendit, salla 303, ora 14:00)

- Mbahet mbledhja e kryesisë së Kuvendit të Republikës s Kosovës. (Ndërtesa e Kuvendit, salla C301 ora 15:00)