27 Janar 2023

Belgjikë, protestohet kundër vaksinimit të detyruar kundër COVID-19

Bruksel, 10 janar - Në kryeqytetin e Belgjikës, Bruksel, është mbajtur një marsh protestues kundër vaksinimit të detyrueshëm në vend.

Disa mijëra protestues u mblodhën në stacionin e trenit Gare du Nord duke mbajtur pankarta dhe duke brohoritur slogane kundër vaksinimit.

Protestuesit thanë se askush nuk ka të drejtë t'i detyrojë qytetarët për vaksinim të detyrueshëm kundër COVID-19.

Protesta u organizua nga shoqata “Samen voor Vrijheid” (Së bashku për Lirinë), e cila bashkon disa organizata.

Organizatorët e demonstratës ftuan të gjithë qytetarët që kundërshtojnë masat kundër COVID-19 të bashkohen.

Ndërkohë, kryeministri Alexander De Croo reagoi ndaj demonstratave, duke thënë se "qytetarët do të ishin në izolim për muaj të tërë dhe nuk do të kishin një jetë normale nëse të gjithë do të silleshin ashtu siç duan protestuesit".

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)