03 Shkurt 2023

Ambasadori Dell lavdëron punën e Qendrës Emergjente

Prishtinë, 19 mars - Ambasadori i Ambasadës Amerikane në Prishtinë, Christopher Dell, përmes një letre zyrtare, ka falënderuar Qendrën Emergjente për punën e bërë, ndihmën  dhe kujdesin profesional, pas aksidentit që ka pasur një shtetas amerikan në Prishtinë.

 “Ambasada amerikane ju përgëzon thellësisht për intervenimin dhe shpëtimin e jetës së shtetasit amerikan, i cili qe aksidentuar gjatë festës së Krishtlindjeve”, thuhet mes tjerash në letrën falënderuese, e cila i është drejtuar drejtorit të Qendrës Emergjente, Mr.dr. Basri Lenjnai. 
 
Në letër sqarohet se personeli i i ambasadës ka qenë në vendngjarje dhe  ka vërejtur se personeli i QKUK-së, e ka kryer punën me përkushtim dhe profesionalizëm të lartë, duke shpëtuar jetën e qytetarit amerikan me lëndime multiple dhe ka qenë në gjendje të rëndë. 

Në letër, thuhet se puna është kryer me shpejtësi dhe koordinim me kampin Bondstil  ka qenë i mirë, kurse QKUK-ja, ka menaxhuar mirë situatën derisa ka arritur Helikopteri  HELIPAD, përmes së cilit i lënduari është transferuar në kampin Bondstil.

 “ Kosova ka fat që ka profesionistë të tillë, intervenimi i tyre dhe dhënia e ndihmës mjekësore shpëtoj jeta” përfundon letra falënderuese e Ambasadorit Dell.
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)