06 Dhjetor 2022

Ali Sadria vazhdon fshesën

Prishtinë, 17 shtator - Ali Sadria, drejtor i Qendrës Klinike Universitare nuk ka përfillur vendimin e Këshillit të Pavarur Mbikëqyrës për kthimin në punë të katër punonjësve (menaxherë në QKU). Ai vetë është kthyer me një vendim të Komisionit Disiplinor të Ministrisë së Shëndetësisë, por për fat të keq të njëjtën ditë kanë pasur të kthehen në punë edhe katër punëtorët e tjerë, por që drejtori i rikthyer Sadria ua ka mohuar një të drejtë të tillë atyre

Kthimi i drejtorit të Qendrës Klinike Universitare, Ali Sadria edhe pse në media u prezantua si një “kthim triumfal” i tij, faktikisht ai po ecën në një fushë me gjemba. Ishin vetëm disa punëtorë të rregullt të cilët e pritën me lule në dorë e që ishin gati t’ia shtronin edhe tepihun e kuq, siç u shfaq edhe para disa kamerave televizive.

Por, për pjesën më të madhe të punëtorëve ai mbetet njeri i padëshirueshëm. Ali Sadriu është kthyer me vendim të Komisionit Disiplinor të Ministrisë së Shëndetësisë, por ky vendim dyshohet se është i ndikuar politikisht, derisa Ministria e Shëndetësisë dhe vetë ministri Bujar Bukoshi duket se ende nuk kanë lëshuar pe dhe nuk dëshiron të mbyllë sytë para shkeljeve të drejtorit Sadria.

Por, Ali Sadria mbetet i patundur në mosrespektimin e ligjit. Kështu derisa ai është kthyer me vendim të Komisionit Disiplinor të Ministrisë së Shëndetësisë, ai nuk e respekton vendimet e një institucioni më të lartë shtetëror siç është Këshilli i Pavarur Mbikëqyrës i Kosovës, kur janë në pyetje katër punëtorë të personelit të QKU-së, të cilët ishin larguar padrejtësisht nga ana e tij.

Kohë më parë, drejtori Ali Sadriu, ka shkarkuar 4 menaxherë të lartë në QKUK. Ai i ka dërguar fillimisht ata në Komisionin Disiplinor, i cili i ka shkarkuar ata, pasi në komision kanë qenë njerëz të Sadrisë. Të shkarkuarit kanë bërë ankesë në Komisionin e Ankesave, por ky komision i përbërë prapë me njerëz të caktuar nga Ali Sadria, ka kthyer përgjigje negative. Më pas të shkarkuarit janë ankuar në Këshillin e Pavarur Mbikëqyrës. Pas ankesës që ka kanë bërë këta të shkarkuar, Këshilli ka kryer një monitorim rreth respektimit të ligjshmërisë, duke u bazuar në Ligjin për Shërbyes Civil.

Pas inspektimi të bërë, më 3 mars 2010, Komisioni i Pavarur Mbikëqyrës i Kosovës (KPMK) ka miratuar një raport, i cili më pas i është dërguar Ministrisë së Shëndetësisë së Kosovës dhe Qendrës së Klinike Universitare të Kosovës (QKUK). Këtu janë përmbledhur pesëmbëdhjetë rekomandime, të cilat janë dërguar në adresë të QKUK-së dhe MSH-së, për t’u zbatuar.

KPMK-ja ka kërkuar që të anulohen rivlerësimet për nëpunësit civilë: Skender Shabani - shef i personelit, Islam Krasniqi - menaxher i shërbimeve teknike, Gazmend Rushiti - shef i prokurimit dhe Musa Vitija - shef i Auditmit të Brendshëm.

Po ashtu, KMPK ka kërkuar anulimin e Kontratës së punës nr. 3781 dhe Aktvendimi i datës 25 janar 2010 për emërimin e z. Adnan Bozalija, në postin e ndihmësdrejtorit për farmaci, pa konkurs.

Është kërkuar gjithashtu anulimi i kontratës së punës për avancimin e Arta Sejdiut nga kryeinfermiere teknike në bashkëpunëtore profesionale, pa konkurs.

KPMK-ja ka kërkuar që të anulohet vendimi për shfuqizimin e Komisionit për Ankesa i QKUK-së që është formuar më 13 janar 2010 dhe është kërkuar mbetja në fuqi e vendimit për Komisionin e Ankesave, të datës 4 shkurt të vitit 2009.

Gjithashtu ishte kërkuar anulimi i Kontratës për Shërbime të datës 25 dhjetor 2009 e lidhur ndërmjet drejtorit të QKUK-së, Ali Sadria dhe dr. Hysen Sherifi, sepse ky i fundit ishte pensionuar.

Drejtori e rinis punën me shkelje
 
Për të gjitha këto vërejtje, pra 15 vërejtje gjithsej, nuk i ka përfillur drejtori Sadria. Më pas ai është suspenduar nga Bukoshi. Pas suspendimit të tij, Këshilli i Pavarur Mbikëqyrës ka nxjerrë vendimin për t’i kthyer në punë të larguarit, vendim ky që është pranuar nga ushtruesi i detyrës së drejtorit në QKU, Sejdullah Hoxha. Por, për fat të keq, në ditën kur ata kanë pasur të fillojnë punën, është kthyer drejtori Ali Sadriu, i cili nuk i ka përfillur këto vendime.

Të larguarit janë të habitur se si ka mundësi që Komisioni Disiplinor i MSh e kthen Ali Sadriun, kurse edhe pse KPMK është organi më i lartë i shqyrtimit të ankesave të shërbyesve civilë, nuk merren parasysh vërejtjet e tyre.

Islam Krasniqi, njëri prej të atakuarve shprehet se largimi nga puna i katër nëpunësve civilë të QKUK-së, nga ana e drejtorit të QKUK-së, Ali Sadria, është një shkelje e ligjit dhe mospërfillje e vendimit të KMPK-së. Sipas tij, ky është një vendim i njëanshëm i Sadrisë.

“Arsyeja kryesore e largimit tonë nga puna është se z. Sadria me shpifjet e veta na ka larguar nga puna, me i lanë hapësirë vetes për manipulime të tjera të ndryshme. Ka pas shkelje ligjore, ky vendim është i njëanshëm. Ne kemi bërë ankesa në shkallën e parë dhe të dytë të QKUK-së dhe KPMK na ka kthyer në punë, mirëpo nga një vendim i njëanshëm i z. Sadriut jemi larguar nga puna, duke mos përfillur vendimin e Këshillit të Pavarur. Mendoj se faktori kryesor që e ktheu z. Sadria në postin e mëparshëm dhe shkelja e madhe e ligjit nga ana e tij”, u shpreh Islam Krasniqi, ish-menaxher i Shërbimeve Publike.

Në raste të tjera, drejtori Sadriu ka bërë degradimin e punëtorëve, siç është rasti me shefin e auditimit të brendshëm, Musa Vitija, të cilit i është ulur pozita në auditor të brendshëm. Vitia konsideron se kjo është një shkelje e rregullave të KPMK-së, nga ana e Ali Sadriut.

“Mua vetëm më ka degraduar, apo thënë më ka ulur në një post më poshtë. KPMK ka dhënë rekomandimet e veta për ne, mirëpo Ali Sadria nuk i ka përfillur vendimet e organit më të lartë të këshillit mbikëqyrës, gjë që bën një shkelje të rregullave të KPMK-së nga ana e z. Sadrisë”, u shpreh Musa Vitija.

/Info Pres/

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)