Prishtinë, 1 mars - Ministri i Shëndetësisë i Republikës së Kosovës, Dr. Ferid Agani, priti sot një delegacion të Grupit mjekësor nga Turqia “Acibadem”, të kryesuar nga zëvendësdrejtori i përgjithshëm, Yalcin Nak me bashkëpunëtorë.

Në këtë takim, Nak ka prezantuar mundësitë e bashkëpunimit ndërmjet këtij grupi të mirënjohur ndërkombëtar në lëmin e mjekësisë dhe shëndetësisë kosovare. 

Janë shqyrtuar mundësitë e bashkëpunimit të ndërsjellë në kuadër të partneritetit publiko-privat dhe është arritur marrëveshja për vazhdimin e studimeve të mundësive të reja të bashkëpunimit midis grupit mjekësor nga Turqia dhe institucioneve shëndetësore të Kosovës.