01 Gusht 2021

14 pacientë kosovarë udhëtuan për trajtim mjekësor në Turqi

Prishtinë, 14 shkurt - Katërmbëdhjet pacientë kosovarë, me probleme kryesisht në zemër, kanë udhëtuar sot për trajtim mjekësor jashtë vendit.

Trajtimi i tyre mjekësor do të bëhet në Spitalin “Siyami Ersek” në Stamboll. Po në këtë spital, në janar të këtij viti, janë trajtuar edhe shtatëmbëdhjetë pacientë të tjerë nga Kosova.

Këto dy grupe të pacientëve që janë dërguar për Trajtim Mjekësor Jashtë vendit në këtë periudhë të këtij viti, janë trajtuar, përkatësisht do të trajtohen në spitalin turk, pa pagesë, në kuadër të bashkëpunimit të mirë dhe përkrahjes që Qeveria e Turqisë dhe institucionet e saja shëndetësore ofrojnë për shëndetin e qytetarëve të Kosovës.

Ndërkohë, pas miratimit të Udhëzimit Administrativ për Trajtim Mjekësor Jashtë Institucioneve Publike, spitalet private të Kosovës, do të bëhen shpejt pjesë në trajtimin e pacientëve me sëmundje që aktualisht nuk trajtohen në institucionet publike shëndetësore.

 

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)