24 Janar 2022

“Vetëvendosje” shënoi trevjetorin e protestës së shkurtit

Prishtinë, 10 shkurt - Aktivistët e Lëvizjes “Vetëvendosje”, sot përkujtojnë protestën e përgjakshme të 10 shkurtit të vitit 2007, kur humbën jetën edhe dy protestues Mon Balaj dhe Arben Xheladini dhe u plagosën dhjetëra të tjerë.

Në nderim të viktimave të rëna gjatë protestës së 10 shkurtit të vitit 2007, Lëvizja “Vetëvendosje” ka bërë homazhe tek varri i Mon Balajt në Podujevë, ndërkohë që homazhe do të bëjë pasdite edhe tek varri i Arben Xheladinit në Prishtinë.

Në përkujtim të këtyre të vrarëve, do të vendosen lule edhe te pllaka përkujtimore në sheshin “Nëna Terezë”, kurse në kinemanë ABC do të shfaqet filmi “10 Shkurti”. Ndërkaq, në orët e vonshme është paralajmëruar mbajtja e një akademie përkujtimore në Sallën e Kuqe të Pallatit të Rinisë në Prishtinë.

Aktivistët e kësaj lëvizjeje, edhe pas tre vjetëve, kërkojnë që vrasja e qytetarëve kosovarë nga policët e kontigjentit rumunë të zbardhet.

Nga ana tjetër lidhur me këtë ngjarje më 15 shkurt para gjykatës është thirr të dal edhe një herë lideri i Lëvizjes “Vetëvendosje”, Albin Kurti, i cili ka deklaruar se nuk e ka ndërmend ta bëjë një gjë të tillë. Glauk Konujfca, udhëheqës në këtë organizatë ka thënë dje se gjyqet që po i bënë EULEX-i, janë vetëm vazhdimësi e gjykatave të UNMIK-ut.

Në trevjetorin e vrasjes se Mon Balajt dhe Arben Xheladinit ka reaguar edhe Këshilli për Mbrojtjen e të Drejtave dhe Lirive të Njeriut në Prishtinë. Kryetari i KMDLNJ-së Behxhet Shala tha se edhe pas tre vjetëve, këta asnjëherë nuk janë distancuar nga ai krim dhe këtë nuk e bëjnë as sot. Sipas tij KMDLNJ kërkon nga Institucionet e Kosovës që botërisht ta dënojnë këtë krim, të insistojnë të rinisin hetimet në mënyrë që drejtësia të çohet në vend. KMDLNJ po ashtu kërkon nga Parlamenti i Kosovës që ta ketë si pikë të veçantë 10 shkurtin 2007, ditën kur në mënyrë të dhunshme u shkel e drejta elementare e njeriut, e drejta e fjalës së lirë dhe protestës paqësore.

Reagimin e saj e ka dhënë edhe organizata e njohur ndërkombëtare për mbrojtjen e të drejtave të njeriut, Amnesty International. Kjo organizatë ka shprehur shqetësimin për vonesën për të vënë para drejtësisë përgjegjësit për vrasjet e paligjshme dhe lëndimet e rënda gjatë protestës së 10 shkurtit të vitit 2007.

Në një komunikatë të lëshuar për media kjo organizatë vëren me shqetësim se duket që gjithnjë e më shumë se ata që janë përgjegjës për vrasjet e paligjshme dhe lëndimet e rënda nuk po japin llogari, ndërkohë që as familjet e viktimave dhe të plagosurit nuk po dëmshpërblehen.

Sot më 10 shkurti 2010 bëhen tri vite kur kontigjenti rumun i policisë së UNMIK-ut në një protestë të organizuara nga Lëvizja Vetëvendosje vrau dy protestues paqësorë, Arben Xheladinin dhe Mon Balajn si edhe plagosi rëndë dhe lehtë mbi 80-të protestues.
 

Kalendari

Ngjarjet e datës 24 janar 2022

- Komisioni për Mbikëqyrjen e Agjencisë së Kosovës për Inteligjencë shqyrton raportin vjetor të punës së Komisionit për vitin 2021. (Ndërtesa e Kuvendit, salla N204, ora 10:00)

- Në kuadër të shënimit të 20 vjetorit të themelimit të Fakultetit të Edukimit bëhet Lansimi i projektit të bashkëpunimit midis Fakultetit të Edukimit dhe institucioneve arsimore në hulumtime shkencore. (Fakultetin e Edukimit. ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione bën shqyrtimin e peticioneve. (Ndërtesa e Kuvendit, salla N10, ora 10:00)

- Mbahet mbledhja e rregullt e Komitetit për Politikë dhe Financa në Komunën e Mitrovicës. (Ndërtesa e Kuvendit të Mitrovicës, ora 10:00)

- Komisioni për Çështje të Sigurisë dhe Mbrojtjes shqyrton në parim i Projektligjit për Policinë Ushtarake në Forcën e Sigurisë së Kosovës si dhe Projektligjin për Ratifikimin e Marrëveshjes për Statusin e Forcave në mes të Republikës së Kosovës dhe Shtetit të Kuvajtit. (Ndërtesa e Kuvendit, salla N303, ora 10:00)  

- Mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për ratifikimin e Marrëveshjes për Ndihmë të ndërsjellë juridike në çështjet civile në mes të Qeverisë së Republikës së Kosovës dhe Qeverisë së  Republikës së Maqedonisë së Veriut, etj. (Ndërtesa e Kuvendit, salla N302, ora 11:00)

- Kuvendi i Kosoves mban seancë e jashtëzakonshme në të cilën do tëmbahet debat parlamentar lidhur me shtrenjtimin e energjisë elektrike. (Kuvendi i Kosovës, ora 12:00)

- Zëvendëskryeministrja e Republikës së Kosovës për Çështje të Pakicave dhe Drejtat e Njeriut, Emilija Redžepi, së bashku me ministrin e Shëndetësisë, Rifat Latifi, takojnë Kryetarin e Komunës së Prizrenit, Shaqir Totaj. (Komuna e Prizrenit, ora 12:00)
 
- Zëvendëskryeministrja Emilija Redžepi dhe ministri i Shëndetësisë, Rifat Latifi, takojnë Kryetarin e Komunës së Gjakovës, Ardian Gjini. (Komuna e Gjakovës, ora 14:30)

- Në kuadër të Fetivalit të Dramës "Talia e Flakës" shfaqet Aroma e Henës nga Mehmet Kraja. (Teatri Kombëtar i Kosovës, ora 18:00)