03 Gusht 2021

Thaçi: S'do të diskutojmë statusin, Kurti kërkon referendum

Prishtinë, 7 mars - Ka nisur punimet seanca e jashtëzakonshme e Kuvendit të Kosovës ku po diskutohet për bisedimet e pritshme Kosovë-Serbi.

Në fjalën e tij kryeministri Hashim Thaçi i ftoi deputetët që ta mbështetësin dialogun, pasi sipas tij kjo është e domosdoshme për integrimin e Kosovës për në Bashkimin Evropian dhe në NATO.

“Ftoj kritikët që në vend që të akuzojnë qeverinë për mungesën e një platforme të japin idetë e tyre” theksoi Thaçi duke shtuar se qeveria ka një platformë për bisedimet që nga shtatori i vitit të kaluar.

Sipas tij kjo platformë i është dorëzuar edhe përfaqësuesve të BE-së dhe SHBA-së dhe elementet kyçe të platformës janë të pranuar.

Ai gjithashtu ka theksuar se një nga çështjet e cila nuk do të diskutohet në bisedime është statusi që sipas tij tashmë është një çështje e mbyllur pasi Kosova e ka shpallur pavarësinë e saj.

Nderkaq, kreu i lëvizjes “vetëvendosje” Albin Kurti ka akuzuar qeverinë e kryeministrit Thaçi se nuk e ka bërë publike axhendën e bisedimeve Kosovë-Serbi.

Në fjalën e tij mbajtur në Kuvendin e Kosovës, Kurti theksoi se duhet të organizohet një referendum nëse duhet të nisin ose jo këto bisedime.

Sipas tij qeveria i ka pranuar bisedimet me Serbinë pa u bërë më parë një debat publik lidhur me ktë çështje.

Gjithashtu Kurti theksoi se me anë të këtyre bisedimeve do të vihen në pikëpyetje çështje të brendshme të Kosovës duke theksuar se këto bisedime nuk i sjellin asgjë vendit por vetëm Serbisë duke e anëtarësuar atë në BE.

“Këto bisedime do ta anëtarësojnë Serbinë në Bashkimin Europian dhe më pas ajo do të kushtëzojë të drejtat tona ashtu siç po bën edhe greqia me Maqedoninë” theksoi Kurti.

Ai ka akuzuar kryeministrin Thaçi se po i zhvillon bisedimet për të ruajtur pushtetin e tij dhe jo për të mirën e vendit.

“Këto bisedime tregojnë falje që ne kërkojmë ndaj Serbisë pa na kërkuar ajo falje ne” theksoi Kurti duke shtuar se Kosova duhet të përafrohet me Tiranën dhe jo me Serbinë.

Kjo është hera e parë që Kuvendi i Kosovës po debaton për bisedimet teknike ndërmjet Prishtinës dhe Beogradit, bisedime që mund të shkaktojnë tension për shkak të dallimeve mes grupeve parlamentare për këtë çështje.

Nëse shumica e deputetëve deklarohen kundër bisedimeve, delegacioni i Prishtinës nuk mund të udhëtojë për në Bruksel, ku është paralajmëruar se do të nisë faza e parë e bisedimeve ndërmjet dy vendeve, me 8 mars. pritet që kuvendi të miratojë edhe një rezolutë për këto bisedime.

Debate i sotëm në kuvendin e Kosovës, do të përcaktojë kornizat e përgjithshme dhe të përcaktohet fushëveprimi i bisedimeve se për çfarë mund të bisedojë Qeveria dhe se për çfarë nuk mund të bisedojë, por edhe aspekte te tjera.

 

Kalendari

Ngjarjet e datës 3 Gusht 2021

- Kuvendi i Republikës së Kosovës vazhdon seancën plenare në të cilën mbahet debat parlamentar lidhur me punën njëqind ditore të Qeverisë së Republikës së Kosovës. (Kuvendi i Kosovës, ora 10:00)

- Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj. (Parku i Gërmisë tek fusha e basketbollit, pranë Qendrës Rekreative, ora 10:00)

-  Komisioni për Mbikëqyrjen e Financave Publike shqyrton raportin e auditimit për pasqyrat financiare vjetore të Kompanisë “Telekomi i Kosovës” me të ftuar Kryeshefin ekzekutiv dhe Kryesuesin e Bordit. (Ndërtesa e Kuvendit, salla N506, ora 10:00)

- ATRC në bashkepunim me CSGD organizojnë tryezën e diksutimit në të cilën do të shpalosen rezultatet e raportit të “Hate O Meter” i cili është hulumtim mbi Gjuhën e Urrejtjes në Mediat Kosovare . (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 11:00)

- Kryetari i PDK-së Dega në Prizren, Shaqir Totaj mban konferencën e radhës për media. (Sheshi Shatërvan, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 14:00)