01 Gusht 2021

Thaçi: Populli i Kosovës nderon dhe respekton NATO-në

Prishtinë, 26 mars - Kryeministri i Qeverisë së Republikës së Kosovës, Hashim Thaçi, priti sot komandantin suprem të Forcave të Përbashkëta për Evropë të NATO-s, admiralin Xhejms Stavridis.

Kryeministri Hashim Thaçi ka njohur admiralin Xhejms Stavridis për zhvillimin e proceseve në Kosovë dhe për përkushtimin e Qeverisë së Kosovës që të ndërtojë bashkëpunimin e ngushtë dhe miqësorë me NATO-n.

Komandanti i Forcave të NATO-s në Evropë, admirali Stavridis ka shprehur mbështetjen e NATO-s për Kosovën, ngritjen e sigurisë në vend dhe angazhimin në ndërtimin dhe trajnimin e Forcës së Sigurisë së Kosovës.

Kryeministri Hashim Thaçi ka theksuar ndjenjën e veçantë të popullit të Kosovës për NATO-n dhe për KFOR-in që nga viti 1999. Kjo ndjenjë e respektit do të vazhdoj të thellohet edhe në të ardhmen.

 

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)