19 Tetor 2021

Thaçi kërkoi mbështetje nga Belgjika në procesin e integrimit

Prishtinë, 19 prill - Kryeministri i Republikës së Kosovës, Hashim Thaçi ka zhvilluar një takim sot me zëvendëskryeministrin dhe ministrin e Punëve të Jashtme të Belgjikës, Stiven Vanakere nga i cili ka kërkuar thellimin e bashkëpunimit mes të dyja vendeve, mbështeten e Belgjikës për Kosovën në procesin e integrimit në Bashkimin Evropian dhe në NATO, si dhe bashkëpunimi rajonal.

Kryeministri Thaçi gjatë takimit me zëvendëskryeministrin e Belgjikës, Vanakere theksoi se Qeveria e Republikës së Kosovës vlerëson lartë angazhimin e qeverisë dhe popullit belg në mbështetjen e Kosovës në procese historike të vështira nëpër të cilën ka kaluar vendi dhe populli ynë.

Mbi frymën e vullnetit të ndërsjellë me vlera të përbashkëta, kryeministri Thaçi ka shprehur interesin e Republikës së Kosovës për të pasur marrëdhënie më aktive dhe më të ngushta me Mbretërinë e Belgjikës në të gjitha fushat me interes reciprok.

Në kuadër të bashkëpunimit rajonal, kryeministri Thaçi ka siguruar zëvendëskryeministrin belg, se përkushtimi i institucioneve kosovare është për fuqizimin e bashkëpunimit rajonal, si mundësi e pazëvendësueshme e vendeve të rajonit për të përmbushur standardet perëndimore në të gjitha fushat.

Kryeministri i Republikës së Kosovës, Hashim Thaçi i ka kërkuar zëvendëskryeministrit belg, Stiven Vanakere forcimin e mbështetjes së Belgjikës në proceset e integrimit të Republikës së Kosovës në Bashkimin Evropian dhe në NATO.

Ndërsa, sa i përket procesit të liberalizimit të vizave për qytetarët e Republikës së Kosovës, kryeministri Thaçi ka theksuar gjithë përkushtimin e institucioneve kosovare për të përmbushur të gjitha kriteret që kanë të bëjnë me liberalizimin e vizave. Në këtë kuadër, kryeministri i Republikës së Kosovës ka kërkuar mbështetjen e Belgjikës që sa më shpejtë të përmbyllet ky proces.

Në takim, kryeministri Thaçi ka ripotencuar ftesën për investitorët belgë për të investuar në Kosovë. Kosova i mirëpret investimet  e huaja, sidomos kur bëhet fjalë  për  potencialin e fuqishëm ekonomik që ka Belgjika, ka thënë Thaçi.

Kryeministri Thaçi në takim me zëvendëskryeministrin e Belgjikës, ka ofruar bashkëpunimin e Republikës së Kosovës edhe në fushën e arsimit, promovimit të turizmit dhe ofrimin e kushteve të favorshme për investime Belge në Kosovë.

Nga ana e tij, zëvendëskryeministri i Belgjikës, Stiven Vanakere i ka shprehur kryeministrit Thaçi falënderimet dhe mirënjohjen e tij për pritjen dhe gatishmërinë për thellimin e bashkëpunimit mes Kosovës dhe Belgjikës dhe ka shtuar që qeveria e tij do të vazhdojë të mbështesë procesin e reformave të gjithanshme në Kosovë, në funksion të përmbushjes së standardeve të integrimit dhe zhvillimit. 

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)