19 Tetor 2021

Thaçi: Bisedimet me Serbinë, detyrim ndërkombëtar

Prishtinë, 14 korrik - Në seancën e jashtëzakonshme të zhvilluar mesditën e sotme në Kosovë, kryeminstri Hashim Thaçi ka folur për diskutimet Kosovë - Serbi, duke i konsideruar obligim ndërkombëtar të qeverisë së Kosovës.

Sipas tij, ky obigim rrjedhë nga rezoluta e OKB. Po ashtu kryeministri kosovar informoi se dialogu është i mbështetur nga të gjitha vendet dhe kjo mbështetje atij i është përmendur edhe gjatë takimeve që ka zhvilluar me zyrtarë të lartë botëror.

“Dialogu është i mbështetur nga SHBA ku së bashku me BE janë mbështetës të kësaj marrëveshje. Është obligim kushtetues për të gjetur e zbatuar zgjidhje për çdo cështje të hapur me fqinjët”, u shpreh ai.

Kryeministri Thaçi deklaroi se dialogu do të ndihmojë në gjetjen e zgjidhjes dhe se qeveria e Kosovës do ë vijojë me përgjegjësinë më të larë të kryejë obligimet e veta.

“Perspektiva evropiane e Kosovës është e qartë si kurrë ndonjëherë më parë. Kjo më është konfirmuar edhe nga baroneshja Ashton. Perspektiva euroatlantike më është konfirmuar edhe nga Zv/i shtetit, nga zoti Bërns në Dubrovnik. Ky proces ka mbështetjen e plotë të të gjithë vendeve. Edhe Serbia do të ketë perspektivën evropiane, por asaj i është bërë e qartë që nuk mund të pengojë rrugën e Kosovës drejt BE. Seria nuk do të bëhet pjesë e BE pa pranuar pavarësinë e Kosovës”, nënvizoi ndër të tjera ai.

Seanca e jashtëzakonshme e Kuvendit të Kosovës, ka nisur mesditën e sotme me kërkesë të partive opozitare. Gjatë zhvillimit të saj, po diskutohet për marrëveshjet e arritura mes Prishtinës dhe Beogradit më 2 korrik. Shefi i Grupit Parlamentar të LDK-së, Ismet Beqiri i quajti të pakuptimta deklaratat e kryeministrit Thaçi se nuk bëhet fjalë për marrëveshje por për konkluza.

Ai propozoi që në fund të debatit të votohet për ndërprerjen e dialogut Prishtinë-Beograd, deri të harmonizimit të një platforme të përbashkët për dialogun. Ai po ashtu nuk e la pa përmendur anashkalimin e Kuvendit për këtë çështje. Seanca e jashtëzakonshme u thirr pas mbledhjes së 40 nënshkrimeve të mbledhura nga tri partitë opozitare LDK, AAK dhe Vetëvendosje.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)