09 Dhjetor 2021

Thaçi bisedë telefonike me kryeministrin e Turqisë, Erdoğan

Prishtinë, 14 shtator - Kryeministri i Republikës së Kosovës, Hashim Thaçi ka zhvilluar mbrëmë një bisedë telefonike me kryeministrin e Republikës së Turqisë, Recep Tayyip Erdoğan.

Me këtë rast, kryeministri Thaçi e ka uruar homologun e tij turk për suksesin e arritur në referendumin kushtetues në Turqi.

Kryeministri Thaçi e ka vlerësuar suksesin e referendumit në Turqi, si një arritje të re në zhvillimin dhe avancimin e proceseve demokratike të Turqisë dhe në afrimin e mëtejmë të këtij vendi me Bashkimin Evropian.

Gjatë bisedës së zhvilluar, kryeministri Hashim Thaçi ka falënderuar kryeministrin Erdoğan për mbështetjen që Republika e Turqisë i ka dhënë Kosovës gjatë procesit të miratimit të rezolutës nga ana e Asamblesë së Përgjithshme të Organizatës së Kombeve të Bashkuara, me të cilën u legjitimua shtetësia e Kosovës.

Kryeministri Recep Tayyip Erdoğan në këtë kuadër ka shprehur gatishmërinë e vazhdueshme të Turqisë për të mbështetur Republikën e Kosovës në lobimin për njohje të reja.

Të dy kryeministrat janë angazhuar për thellimin e marrëdhënieve bilaterale në të gjitha sferat në interes të të dyja vendeve dhe dy popujve.

Gjatë bisedës, kryeministri Erdoğan konfirmoi se së shpejti me ftesën e homologut të tij, kryeministrit Thaçi do të vizitojë Republikën e Kosovës.
 

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)