06 Dhjetor 2022

Suedia e përkushtuar për mbështetjen e vendeve të Ballkanit Perëndimor

Prishtinë, 19 maj - Zyra e Kryeministrit dhe Ambasada e Suedisë në Kosovë, organizuan takimin vjetor mes Kosovës dhe Suedisë në kuadër të bashkëpunimit suedez në reforma me Kosovën, si pjesë e marrëveshjes gjatë viteve 2014-2020.

Në hapjen e takimit, Zëvendëskryeministri i Parë për Integrim Evropian, Zhvillim dhe Dialog, Besnik Bislimi, theksoi përkushtimin e Qeverisë ndaj dialogut të hapur me partnerë zhvillimorë, në mënyrë që të bashkojmë forcat së bashku dhe të fokusojmë mbështetjen e jashtme ndaj agjendës për zhvillim të Kosovës, në linjë me qëllimet e Kosovës, duke i adresuar në projekte të prekshme, me impakt të rëndësishëm. Gjithashtu, potencoi progresin e bërë së fundmi për sa i përket rigjenerimit socio-ekonomik të vendit dhe reformat e nisura nga Qeveria.

Ambasadorja e Suedisë në Prishtinë, Karin Hernmack tha se “Strategjia për bashkëpunimin me Ballkanin Perëndimor dhe Turqinë për vitet 2021-2027”, qartësisht shfaq se Suedia ka bërë një përkushtim afatgjatë për të mbështetur vendet e Ballkanit Perëndimor. Strategjia e re do të rrisë përpjekjet për të punuar me të drejtat e njeriut, demokracinë, sundimin e ligjit, barazinë gjinore, zhvillimin ekonomik gjithëpërfshirës, ambientin dhe ndryshimet klimatike. Mbështetja e Suedisë do të fokusohet në një shoqëri gjithëpërfshirëse dhe paqësore si dhe marrëdhënie të gjera dhe afatgjatë mes Suedisë dhe vendeve të rajonit. Synimi kryesor është të ndihmojmë Kosovën në implementimin e Marrëveshjes së Stabilizim Asociimit.

Gjatë takimit, delegacionet e udhëhequra nga zëvendëskryeministri Bislimi dhe Ambasadorja Hernmarck, rishikuan progresin në implementimin e ndihmës së Suedisë për vitet 2014-2020. Delegacionet konfirmuan se asistimi është duke u implementuar siç është planifikuar në programet dhe projektet aktuale. Palët u dakorduan që të vazhdojnë bashkëpunimin edhe në të ardhmen. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)