22 Janar 2022

Strategjia e qeverisë për veriun e rëndësishme për serbët

Prishtinë, 10 shkurt - Strategjia e qeverisë dhe EULEX-it për veriun e Kosovës është shumë e rëndësishme për serbët. Kështu deklaroi sot kryetari i kuvendit, Jakup Krasniqi, sipas të cilit, krijimi i komunës veriore të Mitrovicës, është alternativë që do të funksiononte më mirë se sa aktualisht.

 

Krasniqi deklaroi, se nëse një pjesë e serbëve nuk pranojnë të jetojnë në pjesën veriore dhe mendojnë të ndahen, atëherë edhe shqiptarët në Luginën e Preshevës, do të jenë gati të bashkohen me Kosovën.

Edhe Presidenti Sejdiu, në një intervistë ekskluzive për Radion Deutsche Welle, thotë se në veri të Kosovës edhe më herët ka pasur hapësirë që të veprohet: “Ka pasur hapësirë dhe mundësi që të veprohet edhe më herët. Kemi kaluar dhjetë vjet të plota dhe sidomos në periudhën e administrimit të Kombeve të Bashkuara është dashur që të ketë projekte më të drejtpërdrejta në kuptimin integrues të qytetarëve dhe në kuptimin e zgjidhjes së shumë problemeve në radhë të parë edhe jetësore të tyre”.

Po ashtu, sipas presidentit Sejdiu, ka qenë një vonesë e paarsyeshme e shtrirjes së misionit EULEX me të gjitha kapacitetet në veri të Kosovës. “Por, them se veprimet e tashmë janë inkurajuese dhe strategjia për veriun është në të njëjtën linjë me angazhimet edhe kosovare edhe ndërkombëtare për të vënë rend dhe ligj në këtë pjesë të Kosovës”.

Sipas presidentit Sejdiu tash është e rëndësishme që të zbatohet strategjia për veriun dhe për këtë kërkohen veprime energjike: “Zbatimi i strategjisë për veriun nuk duhet të bëhet në mënyrë të dhunshme, sepse do të ishte kundër njerëzve të Kosovës, mirëpo, e them se duhet të shkohet në mënyrë energjike për të vënë rend dhe ligj dhe ata që janë përgjegjës për veprat e kryera natyrisht të përgjigjen para ligjit”.

Kalendari

Ngjarjet e datës 22 janar 2022

- Kryeministri Albin Kurti, Ministri Hajrulla Çeku, anëtarë tjetër të kabinetit qeveritar, deputetë të Kuvendit dhe drejtues të institucioneve tjera shtetërore do të marrin pjesë në shënimin e përvjetorit sulmit të dytë i forcave serbe ndaj familjes Jashari në Prekaz. (Kompleksin Memorial “Adem Jashari” n[ Prekaz të Skenderajt, ora 9:00)

- Koalicioni i OJQ-ve për Mbrojtjen e Fëmijëve në Kosovë organizon ceremoninë e ndarjes së çmimeve vjetore në fushën e mbrojtjes dhe shërbimeve sociale, me fokus në mbrojtjen e fëmijëve në Kosovë për vitin 2021. (“Vendum”. rr. Tringë Smjali, nr.17, ora 10:00)

- Ministria e Kulturës, Rinisë dhe Sportit në bashkëpunim me Komitetin Olimpik të Kosovës mban konferencën për media për konkluzat e tryezës për sportin. (Hotel Brezovica në Brezovicë, ora 12:30)
 
- Organizohet protestë kundër shtrenjtimi të energjisë elektrike. (Sheshi “Zahir Pajaziti”, ora 14:00)