16 Tetor 2021

Skender Durmishi ambasador i përkohshëm në Maqedoni

Prishtinë, 4 mars - Skender Durmishi është emëruar i ngarkuar me punë i përkohshëm në ambasadën e Republikës së Kosovës në Republikën e Maqedonisë.

Skender Durmishi, i cili deri më tani ka qenë pjesë e stafit të lart diplomatik, përkatësisht ministër këshilltar në ambasadën e Kosovës në Bruksel, do të udhëheqë misionin diplomatik të Kosovës në Maqedoni deri në emërimin e ambasadorit të Republikës së Kosovës, në pajtim me procedurat ligjore në fuqi.

Deri, atëherë, diplomati Durmishi do të bëjë edhe të gjitha përgatitjet logjistike për ambasadën e Republikës së Kosovës deri në funksionalizimin e plotë të saj.

I ngarkuari me punë I Republikës së Kosovës në Maqedoni, Skender Durmishi, sot ka udhëtuar për në Shkup.

Kalendari

Ngjarjet e datës 16 Tetor 2021

- Misioni vendor për vëzhgimin e zgjedhjeve “Demokracia në Veprim” do të organizojë konferencë për media, ku do të shpalosen të gjeturat kryesore nga vëzhgimi i fushatës për zgjedhjet lokale të 17 tetorit. (Zyrat e KDI-së, rruga “Bajram Kelmendi”, ora 10:00)
 
- Komisioni Qendror i Zgjedhjeve bën shpërndarjen e materialit kryesor zgjedhor, ku bëjnë pjesë edhe fletëvotimet, për Zgjedhjet Lokale 2021. (Depoja qendrore e KQZ-së, përballë QNR-së, ora 10:00)

- Federata e Pingpongut organizon në bashkëpunim me KPP ‘Gani Maloku’ kanë paraparë organizimin e turneut të dytë memorial të veteranëve në nder të Gani Malokut.. (SHMU Tefik Çanga në Ferizaj, ora 14:00)