01 Gusht 2021

Shtatë ministra të rinj në qeverinë Thaçi

Prishtinë, 31 mars - Kryeministri Hashim Thaçi konfirmoi emrat e ministrave të sapoemëruar në Qeverinë e Kosovës. Ata do jenë: Edita Tahiri, ministre e Administratës Publike; Besim Beqaj, ministër i Integrimeve Evropiane; Bajram Rexhepi, ministër i Punëve të Brendshme; Blerand Stavileci, ministër i Bujqësisë; Bujar Bukoshi, ministër i Shëndetësisë; Haki Demolli, ministër i Drejtësisë, dhe Lutfi Haziri, ministër i Kulturës.


Kryeministri Hashim Thaçi konfirmoi emrat e ministrave të sapoemëruar në Qeverinë e Kosovës.

Bazuar në marrëveshjen me PDK-në dhe LDK-në, kryeministri Thaçi tha se tash e tutje, ministrat e rinj do të jenë: Edita Tahiri, ministre e Administratës Publike; Besim Beqaj, ministër i Integrimeve Evropiane; Bajram Rexhepi, ministër i Punëve të Brendshme; Blerand Stavileci, ministër i Bujqësisë, Pylltarisë dhe Zhvillimit Rural; Bujar Bukoshi, ministër i Shëndetësisë; Haki Demolli, ministër i Drejtësisë, dhe Lutfi Haziri, ministër i Kulturës, Rinisë dhe Sporteve.

Sipas këtij vendimi, nga Qeveria largohen ministrat e deritashëm: Arsim Bajrami, Idriz Vehapi, Zenun Pajaziti, Alush Gashi, Nekibe Kelmendi dhe Valton Beqiri.

Kryeministri Thaçi tha se mbledhja e parë e Qeverisë në përbërjen e re do të thirret të premten.

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)