01 Gusht 2021

Serbët ndërprejnë kontaktet me EULEX-in

Prishtinë, 30 mars - Serbët në veri të Mitrovicës thonë se kanë ndërprerë të gjitha kontaktet me policinë e Bashkimit Evropian.

Ata fajësojnë EULEX-in për mbështetjen e “autoriteteve shqiptare në rajonin e mbizotëruar nga serbët”.

Në një vendim të miratuar të martën, përfaqësuesit serbë paralajmërojnë se nuk do të bashkëpunojnë as me paqeruajtësit e KFOR-it dhe Agjencinë e SHBA-ve për Zhvillim Ndërkombëtar.

Zëdhënësi i EULEX-it, Nikolas Hauton, tha se ky veprim nuk do të ndikojë në punën e gjyqtarëve dhe të policisë së BE-së.

Vendimi megjithatë vlerësohet të jetë një pengesë në përpjekjet ndërkombëtare për të shtrirë kontrollin në gjithë territorin e vendit. 

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)