03 Gusht 2021

Seanca e parë e punës e Kuvendit mbahet më 3 mars

Prishtinë, 25 shkurt - Në mbledhjen e sotme të Kryesisë së Kuvendit të Republikës së Kosovës, të drejtuar nga dr. Jakup Krasniqi, kryetar i Kuvendit, është shqyrtuar propozimi për formimin e komisioneve parlamentare.

Në funksion të një efikasiteti më të madh të punës së legjislativit të vendit është thënë se duhet të zvogëlohet numri i komisioneve parlamentare.

Është përvijuar ideja që në Legjislaturën IV duhet të funksionojnë 12 komisione parlamentare (nga 16 sish sa kanë funksionuar në Legjislaturën III).

Numri dhe struktura e komisioneve parlamentare, ndërkaq,  do të diskutohet edhe një herë, ditën e hënë, në takimin e Kryesisë me shefat e grupeve parlamentare, para se çështja të nxirret për miratim në seancë plenare të Kuvendit.

Kryesia ka vendosur që seanca e parë e punës e Kuvendit të mbahet më tre mars.

Në  këtë seancë do të nxirret për shqyrtim dhe miratim propozim-vendimi i Qeverisë së Republikës së Kosovës për zgjatjen e ndarjeve buxhetore për muajin mars të vitit 2011, të përcaktuar në Ligjin 03/L-218 për Ndryshimin dhe Plotësimin e Ligjit nr.03/L-177 për Buxhetin e Republikës së Kosovës për vitin 2010.

 

Kalendari

Ngjarjet e datës 3 Gusht 2021

- Kuvendi i Republikës së Kosovës vazhdon seancën plenare në të cilën mbahet debat parlamentar lidhur me punën njëqind ditore të Qeverisë së Republikës së Kosovës. (Kuvendi i Kosovës, ora 10:00)

- Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj. (Parku i Gërmisë tek fusha e basketbollit, pranë Qendrës Rekreative, ora 10:00)

-  Komisioni për Mbikëqyrjen e Financave Publike shqyrton raportin e auditimit për pasqyrat financiare vjetore të Kompanisë “Telekomi i Kosovës” me të ftuar Kryeshefin ekzekutiv dhe Kryesuesin e Bordit. (Ndërtesa e Kuvendit, salla N506, ora 10:00)

- ATRC në bashkepunim me CSGD organizojnë tryezën e diksutimit në të cilën do të shpalosen rezultatet e raportit të “Hate O Meter” i cili është hulumtim mbi Gjuhën e Urrejtjes në Mediat Kosovare . (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 11:00)

- Kryetari i PDK-së Dega në Prizren, Shaqir Totaj mban konferencën e radhës për media. (Sheshi Shatërvan, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 14:00)