01 Gusht 2021

Rasti Kurti, më 8 prill Kuvendi mban seancë debati

Prishtinë, 30 mars - Kryesia e Kuvendit të Republikës së Kosovës bashkë me shefat e grupeve parlamentare, në mbledhjen e sotme të kryesuar nga dr. Jakup Krasniqi, kryetar i Kuvendit, përcaktoi rendin e ditës së seancës së Kuvendit, e cila do të mbahet më 15 prill .

Pas kohës së pyetjeve parlamentare, në seancën e 15 prillit do të shqyrtohen për herë të parë 3 projektligje, përkatësisht: Projektligji për Administratën Shtetërore të Republikës së Kosovës, Projektligji për ndryshimin dhe plotësimin e Ligjit nr. 02/L-9 për ujitjen e tokave bujqësore, si dhe Projektligji për Gjykatat, ndërsa për herë të dytë do të shqyrtohen Projektligji nr. 03/L-173 për shërbimet postare dhe Projektligji nr. 03/L-171 për Mërgatën e Kosovës.

Në vijim të kësaj seance do të shqyrtohet edhe Propozimi i Qeverisë së Kosovës për emërimin drejtorit dhe të zëvendësdrejtorit të Zyrës së Rregullatorit për Ujësjellës dhe Mbeturina.

Në vijim të mbledhjes së sotme, Kryesia mbi bazën e Rekomandimeve të Komisionit për Legjislacion e Gjyqësi dhe të Komisionit për të Drejtat e Njeriut, Barazi Gjinore, Persona të Pagjetur dhe Peticione vendosi që të caktojë një seancë debati, lidhur me rastin e Albin Kurtit, e cila do të mbahet më 8 prill. 

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)