23 Shtator 2021

Prokurorët më program të ri për Mitrovicën

Mitrovicë, 17 maj - Sot, gjatë një simpoziumi në Pejë, prokurorët e EULEX-it dhe ata të Kosovës nga rajoni i Mitrovicës diskutuan dhe u pajtuan për planet e reja që të punojnë së bashku përmes aktiviteteve të monitorimit, mentorimit dhe këshillimit (MMK).

Kryeprokurori i EULEX-it Johannes van Vreeswijk dhe Kryeprokurori i Shtetit Ismet Kabashi morën pjesë në diskutime dhe në fillimin formal të programit.

Johannes van Vreeswijk theksoi se monitorimi, mentorimi dhe këshillimi (MMK) është investmi i EULEX-it në forcimin afatgjatë të sistemit të drejtësisë të Kosovës. Është çelës i padyshimtë për integrimin e Kosovës në BE.  

Ky program i ri sipas tij do të përmirësojë performancën, transparencën dhe llogaridhënien e ndjekjeve penale sipas standardeve ndërkombëtare dhe praktikave më të mira evropiane.

\"Ka të bëjë me prokurorët e Kosovës që kryejnë hetime të rasteve me ndihmën dhe mbështetjen e kolegëve nga EULEX-i atëherë kur ka nevojë. Në të përfshihet spektri i plotë i detyrave prokuroriale, siç është mbledhja e informatave, konfiskimet, masat alternative të paraburgimit dhe raporti polici-prokurori. Për rajonin e Mitrovicës ne kemi rënë dakord që të përqendrohemi në mënyrë të fuqishme në rastet penale.”

“Punëtoria e ditës së sotme ka shënuar një hap të rëndësishëm në shkëmbimin e përvojave dhe  bashkëpunimin ndërmjet kolegëve. Gjithashtu ka ndihmuar që të sigurojë integrimin e planeve tona të monitorimit, mentorimit dhe këshillimit në mbarë Kosovën.

Ismet Kabashi tha se prokurorët e EULEX-it luajnë një rrol vendimtar kryesisht në lidhje me monitorimin, mentorimin dhe këshillimin duke përcjellur praktikat më të mira të sistemeve të prokurorisë së vendeve të tyre.

“Për sa i përket rajonit të Mitrovicës, kur është fjala për fushën e pushtetit ekzekutiv, EULEX duhet kryesisht të punoj në ekipe të përziera. Puna në grup është mënyra më e mirë dhe më e suksesshme për të ndërtuar një sistem transparent dhe të pavarur të prokurorisë.”


 

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)