19 Tetor 2021

Projektligjet, faza e amendamentimit vonoimi pa arsye

Prishtinë, 14 korrik -  Kryetari i Kuvendit të Republikës së Kosovës. dr. Jakup Krasniqi, ka takuar sot kryetarët e komisioneve parlamentare me të cilët trajtoi çështje të procedimit të  projektligjeve nga komisionet parlamentare.

Kryeparlamentari Krasnqi ka theksuar faktin që 29 projektligje gjendën në procedurën e amendamentimit nëpër komisione, kurse tetë të tjera presin shqyrtimin e parë. Ai ka theksuar që më 13 korrik Qeveria ka proceduar në Kuvend edhe dy projektligje të tjera: Projektligjin për Inspektoratin Policor të Kosovës  dhe Projektligjin për tregtinë e mallrave strategjike.

Kreu i Kuvendit ka shfaqur brengosjen e tij për vonimin e paarsyeshëm të projektligjeve në fazën e amendamentimit. Nga 29 projektligje në procedurën e shqyrtimit nëpër komisione parlamentare, 18 sish e kanë tejkaluar afatin të paraparë me Rregulloren e Kuvendit për paraqitjen e raporteve me rekomandime. Në këtë vështrim Krasniqi ka kërkuar përshpejtimin e shqyrtimit të projektligjeve në procedurë parlamentare, duke e respektuar afatin prej dhjetë ditësh punë (të paraparë me nenin 57, paragrafi 8 i Rregullores së Kuvendit) për paraqitjen e raportit me rekomandimet e komisionit funksional.

Si shembuj të mirë të  punës në takim janë përmendur Komisioni për Legjislacion dhe Gjyqësi dhe Komisioni për Buxhet dhe Financa, si dhe në një masë bukur të kënaqshme edhe Komisioni për Integrime Evropiane, kurse për së keqi është apostrofuar Komisioni për Interesat e Komuniteteve dhe Kthim, në të cilin zvarriten, e herë-herë edhe bllokohen fare, projektligjet në fazën e amenamentimit, si bie fjala : Projektligji për shitjen e banesave për të cilat ekziston e drejta banesore dhe Projektligji për dekoratat e presidentit.

Kryetarët e Komisioneve janë zotuar se do të punojnë me intensitet të shtuar në mënyrë që brenda këtij sesioni të shqyrtohen të gjitha projektligjet, të cilat gjenden në procedurë parlamentare.    
 

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)