01 Gusht 2021

Presidenti Sejdiu priti familjarët e dëshmorëve Geci dhe Berisha

Prishtinë, 1 prill - Presidenti i Republikës së Kosovës, dr. Fatmir Sejdiu priti familjarët e dëshmorëve Elez Geci e Maxhun Berisha dhe ua dorëzoi Medaljen e Artë “Luftëtari i Lirisë - Adem Jashari”, me të cilën i pati dekoruar ditët më parë, me rastin e 11-vjetorit të rënies së tyre në Betejën e Pozharit.

Presidenti Sejdiu tha se kontributi për liri, pavarësi e demokraci  i Elez Gecit, Maxhun Berishës dhe shumë e shumë dëshmorëve të tjerë do të jetë përherë në kujtesën e popullit tonë, si sakrificë më sublime deri në flijimin e vetvetes për shtetin e Kosovës.

Presidenti Sejdiu vlerësoi lart veprën dhe kontributin e dhënë të dëshmorëve Elez Geci e Maxhun Berisha dhe të shumë dëshmorëve të tjerë, të cilët u flijuan për këtë lirinë e vendit.

“Në shenjë përkujdesjeje dhe mirënjohjeje të veçantë për punën, veprën dhe sakrificën e tyre, krahas vendimit që kam marrë edhe më herët, sot edhe solemnisht do t’ua dorëzoj medaljet anëtarëve të ngushtë të familjes Geci dhe Berisha”, tha Presidenti i Republikës së Kosovës, dr. Fatmir Sejdiu .

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)