01 Gusht 2021

Presidenti Pacolli me 21 mars viziton Tiranën

Prishtinë, 7 mars - Presidenti i ri i sapozgjedhur i Kosovës, Behgjet Pacolli, do të nisë në datë 21 mars vizitën e tij dyditore në Tiranë dhe të parën që ndërmerr si kreu i shtetit kosovar.

Burime pranë stafit të Pacollit theksuan dje për gazetën “Shqip” se tashmë axhenda dyditore e Presidentit të Kosovës është vendosur.

Kështu mësohet se takimin e parë në Shqipëri, Pacolli do ta kryejë me homologun e tij shqiptar, Bamir Topi, ku pritet të diskutohet në lidhje me forcimin e bashkëpunimit mes dy vendeve tona.

Po kështu, një takim të rëndësishëm kreu i shtetit të Kosovës do të kryejë edhe me kreun e qeverisë shqiptare, Sali Berishën.

Por burimet bëjnë të ditur se një takim i Pacollit është fiksuar edhe me kryetarin e opozitës shqiptare, Edi Rama, dhe po shikohet mundësia e një takimi të tij edhe me Kryetaren e Parlamentit, Jozefina Topalli.

Behgjet Pacolli u zgjodh në postin e Presidentit të Kosovës, si kryetar i Partisë Aleanca Kosova e Re (AKR), parti kjo e themeluar në vitin 2006 dhe aktive në skenën politike të Kosovës.

 

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)