26 Nëntor 2022

Presidenti i Malit të Zi, Milo Đukanović viziton Kosovën

Prishtinë, 18 maj - Me ftesë të Presidentes së Republikës së Kosovës, Vjosa Osmani Sadriu, sot në Kosovë do të qendrojë për vizitë zyrtare Presidenti i Malit të Zi, Milo Đukanović.

Presidentja Osmani do ta presë Presidentin Đukanović me nderimet më të larta shtetërore në Sheshin “Ibrahim Rugova”.

Pas ceremonisë së pritjes, Presidentja Osmani - Sadriu zhvillon takim me Presidentin e Malit të Zi, Milo Đukanović, si dhe në fund të takimit Presidentja Osmani dhe Presidenti Đukanović mbajnë konferencë për media.

Po sot gjatë ditës Presidenti Đukanović do të takohet edhe me Kryetarin e Kuvendit të Republikës së Kosovës, Glauk Konjufca.

Me rastin e vizitës së tij, Presidenti Đukanović, do të vizitojë edhe Komunën e Prishtinës me ç’ rast Kryetari i Kryeqytetit Përparim Rama do t’i dhurojë “Çelësin e Qytetit”.
 

Kalendari

Ngjarjet e datës 27 nëntor 2022

- Në shënim të 110-vjetorit të Pavarësisë Shqipërisë do të mbahet mbledhje e përbashkët e Kuvendit të Republikës së Kosovës dhe Kuvendit të Republikës së Shqipërisë. (Kuvendi i Shqipërisë në Tiranë, ora 10:00)

- Me rastin e Ditës së Forcës, Ministria e Mbrojtjes dhe Forca e Sigurisë së Kosovës organizojnë “Ditën e Hapur’’ në të cilën do të marrin pjesë edhe udhëheqësit më të lartë shtetërorë, si dhe përfaqësuesit ushtarakë e diplomatikë të vendeve partnere. (Kazerma “Adem Jashari”, ora 12:00)