19 Tetor 2021

Pavarësia e Kosovës, pritet valë e njohjeve

SHBA, 20 korrik - Derisa pritet që kësaj të enjte të jepet mendimi këshillues rreth ligjshmërsë së pavarësisë së Kosovës i Gjykatës Ndërkombëtare të Drejtësisë në Hagë, qëndrimi amerikan ka qenë gjatë gjithë kësaj kohe se Gjykata duhet të vendosë ose në favor të Kosovës ose të përmbahet nga çfarëdo vendimi.

Në argumentet që paraqitën Shtetet e Bashkuara të Amerikës në Hagë në mbrojtje të ligjshmërisë së pavarësisë ishte edhe vlerësimi se pavarësia ka avancuar lirinë dhe stabilitetin në Ballkan .

"Pavarësia e Kosovës nuk është një diçka që kontrollohet nga ligji ndërkombëtar’ por është ‘rrënjësisht një veprim politik… të cilin shtetet veç e veç vendosin se a do ta njohin apo jo."

Idetë që qakullojnë sidomos nga pala serbe për mundësinë e bisedimeve rreth statusit pas dhënies së mendimit këshillues, zyrtarët amerikanë i kanë quajtur të kota sepse një orientim i tillë do të ‘shthurte marrëveshjet e mundimshme politike të cilat kanë sjellë stabilitet në rajon.’

“Pavarësia e Kosovës, thonë zyrtarët amerikanë, është një realitet dhe ajo arsyetohet përballë shtypjes historike nën okupimin serb.”

Përvëç kësaj, Washingtoni zyrtar argumenton se asnjë nga mbi 100 deklarata të pavarësisë anekand botës nuk është gjykuar të ketë shkelur ligjin ndërkombëtar e këtë nuk e ka bërë as Kosova.


Opinioni i Gjykatës Ndërkombëtare të Drejtësisë për legalitetin e shpalljes së pavarësisë së Kosovës, nuk do të zgjidhë këtë “çështje shumë të politizuar” dhe do të ketë “efekt të vogël praktik”, ka vlerësuar Judy Batt eksperte për Ballkanin Perëndimor.

Në një tekst autorial Xhudi Bat madje pret valën e njohjeve të Kosovës pas shpalljes së opinionit të GJND-së, madje edhe nëse ky mendim do të jetë negativ për Kosovën. Në tekstin që e ka botuar Fondacioni për Marrëdhënie Ndërkombëtare dhe Dialog të Politikës së Jashtme (FRIDE) me seli në Madrid,

Bat shkruan se “ekzistimi i shteteve është fakt e jo çështje e së drejtës… Kosova padyshim ekziston si fakt dhe nuk do të zhduket madje edhe nëse vetë shpalja e pavarësisë sipas mendimit të gjykatës, konsiderohet jolegale”, thekson Bat.

Një mendim neutral i Gjykatës Ndërkombëtare të Drejtësisë do të ishte në të mirë të Kosovës. Kështu është shprehur eksperti i së drejtës ndërkombëtare dhe njohësi i mirë i çështjeve të Evropës Juglindore Florian Bieber. Sipas tij qytetarët nuk presin shumë nga ky mendim, por sipas tyre opinioni do i hap rrugë njohjeve të reja.

"Nëse mendimi i GJND-së është neutral atëherë do të jetë në favor të Kosovës. Të gjitha ato shtete të cilat e kanë njohur Kosovën gjatë këtyre viteve askush më nuk do ta anulojë. Në këtë sens, edhe pse çdo gjë është e qartë se Kosova do të mbetet e pavarur dhe është çështje kohe deri sa të bëhet krejtësisht e pavarur në kuptimin e një njohje më të gjerë. Mendoj se këtu një mendim neutral do të ishte më shumë në favor të Kosovës sesa Serbisë." ka thene Bieber

Përfaqësues të institucioneve të Kosovës dhe ekspert të së drejtës ndërkombëtare kanë paralajmëruar njohje të mëdha pas mendimit të GJND-së.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)