01 Gusht 2021

Pacolli të hënën i dorëzon Krasniqit postin e Presidentit

Prishtinë, 2 prill - Pas vendimit të Gjykatës Kushtetuese të Kosovës, Jakup Krasniqi ditën e hënë merr postin e Ushtruesit të Detyrës së Presidentit të Kosovës. Kryetari i Parlamentit, Jakup Krasniqi për herë të dytë është caktuar në detyrën e ushtruesit të detyrës së presidentit të Kosovës.

Ai vjen në këtë detyrë, pasi që Gjykata Kushtetuese shpalli të paligjshëm presidentin e sapozgjedhur Behgjet Pacolli, për shkak të shkeljeve ligjore nga ana e deputetëve në ditën e zgjedhjes së tij më 22 shkurt të këtij viti.

Kryetari i Parlamentit, Krasniqi do te marr detyrën të hënën, dhe kjo u bë e ditur nga presidenca vetëm pak para mesnatës, pas njoftimit të djeshëm se ceremonia e pranim-dorëzimit do të bëhej sot në mëngjes në zyrën e presidentit.

“Me kërkesë të presidentit të deritashëm, Behgjet Pacolli, për shkaqe objektive, dorëzim-pranimi i detyrës së Presidentit të Republikës së Kosovës nga Behgjet Pacolli te kryetari i Kuvendit, njëkohësisht Ushtrues i Detyrës së Presidentit, Jakup Krasniqi, nuk do bëhet ditën e shtunë, datë 2 prill, siç ishte planifikuar, por do të bëhet të hënën, datë 4 prill 2011, në orën 10:00, në Kabinetin e Presidentit.”, thuhet në njoftimin e Presidencës.

Përgjigjja e dytë e Gjykatës Kushtetuese në kërkesat e kuvendit, qeverisë dhe presidencës sqaron se Kosova ka ushtrues detyre të Presidentit që prej 31 marsit.

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)