18 Qershor 2021

Pacolli nuk kalon as në raundin e parë e as në raundin e dytë

Prishtinë, 22 shkurt - I nominuari për President të Republikës së Kosovës Behgjet Pacolli nuk arriti të kalojë as raundin e dytë të votimit në Kuvend për President të Kosovës. Megjithatë, në raundin e dytë Pacolli ka fituar katër vota më shumë të deputetëve se në raundin e parë.

58 deputetë votuan për zgjedhjen e Behgjet Pacollit për President të Republikës së Kosovës, 7 votuan kundër dhe 2 fletëvotime sërish u shpallën të pavlefshme për shkak se ishin të zbrazëta.

Pacolli nuk arriti të fitojë votat e mjaftueshme të deputetëve në raundin e parë të votimit.
 
Për Behgjet Pacollin President votuan 54 deputetë nga 67 sa ishin të pranishëm në sallën e Kuvendit. 11 deputetë votuan kundër, dy fletëvotime u shpallën të pavlefshme.

Në votime nuk janë duke marrë pjesë Lidhja Demokratike e Kosovës, Vetëvendosje dhe Aleanca për Ardhëmërinë e Kosovës.

Deputetët janë duke votuar për raundin e dytë të zgjedhjes së Presidentit.

Për t’u votuar Presidenti, në raundin e parë duhen dy të tretat e votave të deputetëve, ndërsa për raundin e dytë po aq vota, dhe së fundi, në raundin e tretë nevojiten 61 vota për t’u zgjedhur Presidenti.

Në raundin e tretë dhe të fundit, Behgjet Pacolli duhet të fitojë të paktën 61 vota të deputetëve për t’u zgjedhur President.

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)