03 Gusht 2021

Pacolli: Do ta bëj Kosovën komb multietnik

Prishtinë, 25 Shkurt - "Dua që bashkëkombësit e mi të harrojnë të kaluarën dhe urrejtjen kundër serbëve dhe të pranojnë multietnicitetin. Kjo do të jetë vështirë, për këtë jam i vetëdijshëm, por në bashkëpunim me kryeministrin dhe Qeverinë unë do të arrij këtë", ka deklaruar presidenti i Kosovës, Behgjet Pacolli.

Këto deklarata Pacolli i ka dhënë gjatë një interviste për portalin e internetit “Swissinfo”, e cila është intervista e parë pasi mori zyrtarisht pozitën e presidentit të Kosovës.

Në bisedë me gazetaren Gemma d’Urso 59 vjeçari Pacolli, i cili është shtetas zviceran dhe kosovar, theksoi se dëshiron të punojë shumë për të siguruar mirëqenien e vendit të tij dhe synon që Kosovën “ta bëjë një komb modern dhe multietnik”, për të mbyllur kapitullin e krimeve të luftës.

Në pyetjen e gazetares se si do ta fitojë ai besimin e kosovarëve, kur dihet se të martën është zgjedhur me zor në post dhe se më gjatë ka jetuar në botën e jashtme se sa në Kosovë, Pacolli u përgjigj se ekzistojnë shumë pengesa, por do t’i tejkalojë.

 

Kalendari

Ngjarjet e datës 3 Gusht 2021

- Kuvendi i Republikës së Kosovës vazhdon seancën plenare në të cilën mbahet debat parlamentar lidhur me punën njëqind ditore të Qeverisë së Republikës së Kosovës. (Kuvendi i Kosovës, ora 10:00)

- Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj. (Parku i Gërmisë tek fusha e basketbollit, pranë Qendrës Rekreative, ora 10:00)

-  Komisioni për Mbikëqyrjen e Financave Publike shqyrton raportin e auditimit për pasqyrat financiare vjetore të Kompanisë “Telekomi i Kosovës” me të ftuar Kryeshefin ekzekutiv dhe Kryesuesin e Bordit. (Ndërtesa e Kuvendit, salla N506, ora 10:00)

- ATRC në bashkepunim me CSGD organizojnë tryezën e diksutimit në të cilën do të shpalosen rezultatet e raportit të “Hate O Meter” i cili është hulumtim mbi Gjuhën e Urrejtjes në Mediat Kosovare . (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 11:00)

- Kryetari i PDK-së Dega në Prizren, Shaqir Totaj mban konferencën e radhës për media. (Sheshi Shatërvan, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 14:00)