21 Tetor 2021

OSBE prezanton performancën komunale për përfaqësim të komuniteteve

Prishtinë, 6 tetor - Misioni i OSBE-së në Kosovë do të prezantojë sot raportin “Vlerësim i themelimit, funksionimit dhe performancës së mekanizmave komunalë për pjesëmarrje dhe përfaqësim të komuniteteve”.

Raporti vlerëson katër mekanizmat e nivelit komunal që janë themeluar për t’i promovuar dhe mbrojtur të drejtat dhe interesat e komuniteteve në nivelin komunal: Komitetet e Komuniteteve, Zyrat Komunale për Komunitete dhe Kthim, Nënkryetarët e Komunave për Komunitete, si dhe Nënkryetarët e Kuvendit Komunal për Komunitete.

Raporti vlerëson përputhshmërinë e këtyre mekanizmave me kuadrin ligjor dhe të politikave, si dhe përbërjen dhe performancën e tyre.

Nadica Pavlovska, Shefe e Seksionit të OSBE-së për Komunitete, Gazmen Salijević, Zëvendësministër për Komunitete dhe Kthim, si dhe Sekretari i Përgjithshëm i Ministrisë së Administrimit të  Pushtetit Lokal, Trim Berisha do të mbajnë fjalë hyrëse, vijuar nga prezantimi i raportit dhe një seancë pyetjesh e përgjigjesh.
 

Kalendari

Ngjarjet e datës 22 Tetor 2021 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)